कोपरगाव प्रतिनिधी
कोपरगाव तालुक्यातील चांदेकसारे येथील खाजा पीर बाबा उरूस उत्साहाची उद्यापासून सुरुवात होत आहे उद्या दिनांक ३ एप्रिल रोजी सायंकाळी ठीक सात वाजता चांदेकसारे गावातील प्रमुख मार्गावरून ख्वाजा पीर बाबा च्या चादरीची भव्य मिरवणूक निघणार आहे. ख्वाजा पीर बाबा हे देवस्थान चांदेकसारे गावातील हिंदू-मुस्लीम ऐक्याचे प्रतीक आहे कारण मुस्लिम समाजा बरोबरच गावातील हिंदू समाजातील लोकही ख्वाजा पीर बाबा चा उरूस मोठ्या उत्साहात साजरा करण्यासाठी सहभागी होत असतात. आजही उरूस उत्साहाच्या निमित्ताने ख्वाजा पीर बाबा दर्गाह बरोबरच गावातील भैरवनाथ मंदिर तसेच डॉक्टर बाबासाहेब आंबेडकर स्मारक येथेही आकर्षक अशी विद्युत रोषणाई करण्यात आलेली आहे.
उद्या सायंकाळी सात वाजता निघणाऱ्या चादर मिरवणुकीत गावातील सर्व भाविक भक्तांनी सहभागी होऊन दर्शनाचा लाभ घ्यावा असे आव्हान खाजा पीर बाबा उरूस उत्साह समितीकडून करण्यात आलेले आहे.
