कोपरगाव प्रतिनिधी
कोरोना च्या जागतीक संकटात सर्व शाळा बंद होत्या परंतु काही महिन्यानंतर करोनाचा प्रादुर्भाव कमी झाल्यामुळे शाळा पुर्वी सारख्या सुरू झाल्या आहेत. रंगपंचमी म्हटले की मुलांमध्ये नवी उर्जा निर्माण होते. परंतु रंगपंचमी साजरी करताना पाण्याचा होणारा अपव्यय , रंगामुळे होणाऱ्या त्वचेवरील परिणाम, हे प्रामुख्याने टाळावे म्हणून जोगेश्वरी इंटरनॅशनल स्कूल ने या वर्षी पाण्याचा वापर न करता पावडर कलर चा वापर करून रंगपंचमी साजरी केली, डीजे च्या तालावर मुलां मुलीनी ठेका धरला व रंगपंचमी चा मनसोक्त आंनद घेतला.
यावेळी जोगेश्वरी इंटरनॅशनल स्कूल च्या व्यवस्थापक कमिटी व जोगेश्वरी इंटरनॅशनल स्कूल चा सर्व शिक्षक व शिक्षकेत्तर कर्मचारी यांच्या कडून मुलांना पाण्याचा अपव्यय कसा टाळावा या बद्दल मार्गदर्शन करण्यात आले. यावेळी संस्थेचे सचिव सुनिल होन, व्यवस्थापकीय संचालक सागर होन, प्राचार्या सौ ज्योती खरात,सौ.पल्लवी होन श्रध्दा होन,काजल पठारे,साई कोळगे सर,सौ.नंदा गायकवाड, सौ.मनिषा पगारे,मोहम्मद शरीफ शेख,वाल्मिक होन आदी शिक्षक व शिक्षकेत्तर कर्मचारी उपस्थित होते.
