कोपरगाव प्रतिनिधी
शिवजयंती २०२२ निमित्ताने जि.प.प्रा.शाळा,गिरमेवस्ती जेऊर कुंभारी शाळेत विविध उपक्रम व स्पर्धा घेण्यात आल्या.शाळेतील उपक्रमशील शिक्षक अनुज ढुमणे यांच्या संकल्पनेतून सुंदर हस्ताक्षर मार्गदर्शन व स्पर्धा आणि इंग्रजी स्पेलिंग्स पाठांतर स्पर्धा घेण्यात आली. या दोन्ही स्पर्धेत सहभागी होऊन उत्तम प्रतिसाद देणाऱ्या विद्यार्थ्यांना प्रोत्साहन म्हणून शाळेच्या वतीने प्रमाणपत्र व बक्षीस शा.व्य. समितीचे अध्यक्ष बाळासाहेब सोळके व शाळेतील शिक्षकांच्या हस्ते देण्यात आले.तसेच सहभागी सर्व विद्यार्थ्यांना डिजीटल प्रमाणपत्र देण्यात आले.
शाळेतील विद्यार्थ्यानी छत्रपती शिवाजी महाराज यांच्या जीवनावर आधारित भाषणे केली व गीत गायन केले.विदयार्थ्यांनी बालशिवाजी,जिजामाता,मावळे अशा वेशभूषा करून कार्यक्रमाचे रुप रंगतदार केले. शाळेतील उपशिक्षक सुदाम साळुंके यांनी शिवरायांविषयी मनोगत व्यक्त करताना ‘शिवरायांचे आचार विचार आपणही प्रत्यक्ष जीवनात अवलंबावे’ असे सांगितले.मुख्याध्यापिका श्रीम.प्रियंका जोशी यांनी मनोगत व्यक्त करताना ‘प्रत्येकाने देशसेवा करावी व शिवरायांच्या अंगी असणारे गुण आपणही आत्मसात करावे’ असे सांगितले.शा.व्य.समितीचे अध्यक्ष श्री बाळासाहेब सोळके यांनी शालेय उपक्रमांचे कौतुक करून मनोगत व्यक्त केले. कार्यक्रमाचे सूत्रसंचालन अनुज ढुमणे सर व आभार सुदाम साळुंके सर यांनी मानले.
