कोपरगाव प्रतिनिधी
भारताचा ७३ वा प्रजासत्ताक दिन जोगेश्वरी इंटरनॅशनल स्कूल डाऊच खुर्द येथे मोठ्या उत्साहात साजरा करण्यात आला.ध्वजारोहण जिजाई बहुउद्देशीय शैक्षणिक संस्थेचे अध्यक्ष व जोगेश्वरी इंटरनॅशनल स्कूल चे संस्थापक श्री भास्करराव होन यांच्या शुभहस्ते करण्यात आले . यावेळी भास्करराव होन यांनी प्रत्येक नागरिकाने देशासाठी सेवाभाव ठेऊन चांगले समाज उपयोगी कार्य करावे असे सांगितले .
भास्करराव होन यांनी जोगेश्वरी इंटरनॅशनल स्कूल मध्ये राबविन्यात येणाऱ्या विविध उपक्रमांचे कौतुक केले. यावेळी २०२१-२२ या शैक्षणिक वर्षात जोगेश्वरी इंटरनॅशनल स्कूल ने सुरू केलेली जोगेश्वरी सुरक्षा कवच योजना भरण्यात आली असल्याची घोषणा केली. या योजनेचा लाभ शाळेतील विद्यार्थी व पालकांना होणार आहे, या वेळी जिजाई बहुउद्देशीय शैक्षणिक संस्थेचे सचिव सुनिल होन यांनी सांगितले की जोगेश्वरी इंटरनॅशनल स्कूल ही महाराष्ट्रातील एकमेव शाळा आहे की जी विद्यार्थी व पालकांना विमा सुरक्षा देते. आज पर्यंत कोणत्याही शाळेत अशाप्रकारे विनामुल्य विमा सुरक्षा दिली जात नाही, तसेच जोगेश्वरी इंटरनॅशनल स्कूल चे व्यवस्थापकीय संचालक श्री सागर भास्करराव होन यांनी सांगितले करोना मुळे शाळा बंद असल्यातरी आॅनलाईन पध्दतीने तासिका सुरू केली असून त्यामध्ये ही जोगेश्वरी इंटरनॅशनल स्कूल चा शिक्षणाचा दर्जा हा टिकलेला आहे,यावेळी त्यांनी सर्व शिक्षकवर्गाचे कौतुक केले, यावेळी अधिक माहिती देत सांगितले की या योजनेत पालक व विद्यार्थ्याना मोफत अपघाती विमा सुरक्षा देण्यात आली आहे त्यात विद्यार्थ्याना १लाख रूपयाचा व पालकांना २लाख रू चा सुरक्षा कवर देण्यात आले आहे,यावेळी संस्थेचे अध्यक्ष भास्करराव होन, उपाध्यक्षा सौ अलकाताई होन,सचिव सुनिल होन, संचालक सागर होन, संचालिका सौ सारिका जाधव, प्राचार्या सौ ज्योती खरात,इ मान्यवर उपस्थित होते.
मान्यवराचे स्वागत कु श्रध्दा होन व कु काजल पटारे यांनी केले.
कार्यक्रमाचे सूत्रसंचालन श्री साई कोळगे यांनी केले.तर आभार सौ पल्लवी होन यांनी मानले.
