कोपरगाव प्रतिनिधी
शिक्षणमहर्षी लहानुभाऊ नागरे स्थापित रेन्बो इंटरनॅशनल स्कूलमध्ये कोरोना पार्श्वभूमी अंतर्गत सर्व नियमांचे पालन करत देशभक्तीच्या मधूर लहरींनी भारावलेल्या वातावरणात प्रजासत्ताक दिन हर्षोल्हासात ऑनलाईन शिक्षण प्रणालीद्वारे साजरा करण्यात आला .
प्रजासत्ताक दिनाचे औचित्य साधत दिनांक २४ व २५ जानेवारी रोजी देशभक्तीवर आधारीत फॅन्सी ड्रेस , पोस्टर बनविणे व नृत्य स्पर्धांचे आयोजन करण्यात आले होते . या स्पर्धांमध्ये विद्यार्थ्यांनी उत्स्फूर्त सहभाग घेतला . तसेच २६ जानेवारीची अर्थात प्रजासत्ताक दिनाची देखील जय्यत तयारी करण्यात आली होती . सदर कार्यक्रमासाठी विश्वभारती रुरल एज्युकेशन संस्थेचे अध्यक्ष श्री . कांतीलालजी आग्रवाल, सचिव श्री . संजयजी नागरे, विश्वस्त श्री . आनंदजी दगडे , प्रशासक श्री . सुरेशजी शिंदे यांची प्रमुख अतिथी म्हणून प्रत्यक्ष उपस्थिती लाभली . प्रतिमापुजन व ध्वजरोहणाने कार्यक्रमाची सुरुवात झाली . कु . मेरिष्का सबलोक , दिव्या शर्मा, साक्षी वाणी, चि . नैतिक निकुंभ या विद्यार्थ्यांनी ऑनलाईन पद्धतीने भाषणे सादर केली .
शिक्षक प्रतिनिधी राहूल कोळगे सरांनी प्रजासत्ताक दिनाचा धगधगता इतिहास आपल्या भाषणातून मांडला तर प्रशासक सुरेश शिंदे सरांनी देशभक्तांचे कार्य व समर्पण आपल्या भाषणातून व्यक्त केले . संस्थेचे सचिव संजयजी नागरे सरांनी स्वातंत्र्यासाठी प्राणांची आहुती देणाऱ्या देशभक्तांची माहिती देत शहिद झालेल्या जवानांच्या स्मृतींना उजाळा देत श्रद्धांजली अर्पण केली. सदर कार्यक्रमासाठी सर्व शिक्षक , शिक्षकेत्तर कर्मचारी , विद्यार्थी व पालकांनी प्रत्यक्ष व अप्रत्यक्षरीत्या सहभाग घेतला . सदर कार्यक्रमाचे आभार कशिश अमेसर मॅडम यांनी व्यक्त केले तर सुत्रसंचालन नंदिनी वक्ते मॅडमसह नेहा पहाडे मॅडम यांनी केले . सदर कार्यक्रमासाठी उप-प्राचार्य प्रशांत भास्कर सर, प्रविण कदम सर व सोमनाथ सोनवणे सरांचे विशेष मार्गदर्शन लाभले .कार्यकारी संचालक आकाश नागरे सरांनी सर्वांना गणतंत्र दिनाच्या हार्दिक शुभेच्छा दिल्या .
