कोपरगाव प्रतिनिधी
कोपरगाव येथील नगरपालिका शाळा क्र.६ या शाळेत क्रांतीज्योती सावित्रीबाई फुले यांची जयंती बालिका दिन तथा महिला मुक्ती दिन म्हणून साजरा करण्यात आली.प्रथम सावित्रीबाई फुले यांच्या प्रतिमेचे पूजन शाळेचे मुख्याध्यापक श्री.भरत आगळे यांच्या हस्ते करण्यात आले. यानिमित्ताने ‘सावित्रीबाई फुले शिक्षण आणि कार्य’ या संबंधी सखोल माहीती शाळेच्या शिक्षिका सुनिता इंगळे यांनी सांगितली.मुख्याध्यापक भरत आगळे यांनी विद्यार्थ्यांना बालिका दिनाचे महत्व पटवून दिले.तसेच १०० दिवस वाचन अभियानातंर्गत विद्यार्थ्यांना वाचनाची गोडी लागावी म्हणून शाळास्तरावर विविध उपक्रम राबविण्यासंदर्भात विद्यार्थ्यांना मार्गदर्शन केले. यानिमित्ताने विद्यार्थ्यांना शालेय ग्रंथालयाची ओळख व्हावी म्हणून शाळेत पुस्तकांचे प्रदर्शन आयोजित करण्यात आले,याप्रसंगी मुलांना वाचनाची गोडी लागावी म्हणून बालकथा वाचण्यास देण्यात आल्या.यावेळी लायन्स क्लब आॕफ कोपरगाव चे अध्यक्ष श्री.राम थोरे ,सचिव अक्षय गिरमे,सभासद श्री.रुपेश शिरोडे यांनी शाळेस प्रथमोपचार किट चे वितरण केले.यावेळी वाचनसंस्कृती रुजवणे बालकांसाठी का गरजेचे आहे याचे सविस्तर माहीती राम थोरे यांनी दिली.यावेळी शाळेच्या शिक्षिका सुनिता इंगळे लिखित ‘शालेय परीपाठ प्रश्नमंजुषा’हे पुस्तक लायन्स क्लब आॕफ कोपरगावचे अध्यक्ष श्री.राम थोरे यांना भेट देण्यात आले. या कार्यक्रमासाठी शाळेच्या शाळा व्यवस्थापन समिती अध्यक्षा अर्चना वाहूळकर,अमित आगलावे,मुख्याध्यापक भरत आगळे,शिक्षक अरुण पगारे,कल्पना निंबाळकर,आरती कोरडकर,सविता साळूंके ,सुनिता इंगळे व विद्यार्थी उपस्थित होते.कार्यक्रमासाठी आलेल्या मान्यवरांचे सुनिता इंगळे यांनी आभार मानले.
