कोपरगाव प्रतिनिधी
अहमदनगर जिल्ह्यातील कोपरगाव शहरातील मध्यवर्ती भागात सोमवारच्या आठवडे बाजारात ७ ते ८ जणांनी रॉड, गज व दगडाने शिंगणापुर येथील राजेंद्र बबन भोसले (२७) युवकाचा खून झाल्याच्या घटनेने कोपरगावसह संपूर्ण अहमदनगर जिल्हा हदरलं आहे.
मयत राजा भोसले याला शहरातील संत जनार्दन स्वामी हॉस्पिटलमध्ये दाखल करण्यात आले होते परंतु डॉक्टरांनी मयत घोषित केले आहे. कोपरगाव शहर पोलीस ठाण्याचे पोलीस निरीक्षक वासुदेव देसले यांनी घटनास्थळी धाव घेवुन तणाव झालेले वातावरण शांत करण्याचे पोलीस पथकाने प्रयत्न केले.
पोलिसांनी अधिक तपास सुरु केला असुन एका आरोपीस पोलीसांनी ताब्यात घेतले असुन पुढील तपास पोलीस पथक करत आहे.
अहमदनगर जिल्ह्यात मागील काही दिवसांत गुन्हेगारांच्या कारवाया जास्तच वाढलेल्या दिसतात. पोलीस प्रशासन यावर अंकुश ठेवण्यासाठी सर्वतोपरी प्रयत्न करत असले तरी गुन्हेगार सामाजिक स्थिती बिघडवण्याचे करत आहे. सदर घटना घडताच मिञ व त्यांचे नातेवाईक यांनी आरोपीला जो पर्यंत अटक होत नाही तो पर्यंत राजेंद्रचा विधी होणार नसल्याचे सांगत साईबाबा काॕर्नर या ठिकाणी रास्ता रोको करण्यात आला.
