कोपरगाव प्रतिनिधी
श्री साईबाबा संस्थान मंदिर दर्शन व्यवस्था मध्ये पेड पास व गावकरी साठी वेगळ्या दरवाजा द्वारे फ्री पास अशी व्यवस्था आहे. परंतु माझ्या असे निदर्शनास आले आहे की संगणका वर बोगस आधार कार्ड वर शिर्डी गावातील बोगस पत्ता टाकुन आधार कार्ड तयार केले जातात व दर्शन घेणारे शिर्डी तील रहवाशी असल्याचा आव आणतात, हे बाहेरील भक्त लवकर साई दर्शन होण्यासाठी गावकरी गेट मार्फत मोफत व संस्थांन यंत्रनेची फसवणूक करून त्वरित दर्शन घेतात. तरी श्री साईबाबा मंदिर व्यवस्थेने गावकरी गेटवर सर्व भाषेमध्ये बोगस पास आढळल्यास पोलिसांच्या हवाली करण्यात येईल असा मचकूराचा फलक लावण्यात यावा जेणेकरून थोडी दहशत बसेल व आधार कार्ड तथा अन्य परिचय पत्र खरं खोटं पडताळणी करणारी तपासणी यंत्रणा उभी करावी. तसेच गावकरी गेटमधून शिर्डी परिघातील दहा ते पंधरा किलोमीटर अंतरावरील गावातील गावकऱ्यांना स्थानिक प्रमाणे गावकरी गेटमधून दर्शन घेण्याचे परवानगी द्यावी. ही नम्र विनंती नितीनराव शिंदे अध्यक्ष, कोपरगांव तालुका काँग्रेस कमिटी यांनी केली आहे.
