कोपरगाव प्रतिनिधी
कोपरगाव येथील श्री सदगुरु गंगागीर महाराज सायन्स, गौतम आर्टस् अॅण्ड संजीवनी कॉमर्स कॉलेजमधील क्रीडा संचालक प्रा.सुभाष देशमुख यांनी औरंगाबाद येथे दिनांक ९ व १० ऑक्टोंबर २०२१ रोजी संपन्न झालेल्या राज्यस्तरीय पॉवरलिफ्टिंग स्पर्धेत मास्टर कँटेगिरीमध्ये ९३ किलो वजन गटात क्लासिक व इक्विप्ड या दोन्ही प्रकारात दोन सुवर्ण पदक पटकावली आहेत. नोव्हेंबर २०२१ मध्ये गोवा येथे होणाऱ्या राष्ट्रीय पॉवरलिफ्टिंग स्पर्धेसाठी त्यांची महाराष्ट्र पॉवरलिफ्टिंग संघात निवड झाली आहे. प्रा. सुभाष देशमुख यांच्या यशस्वी कामगिरीने महाविद्यालयाच्या नावलौकिकात भर पडली आहे.त्यांची ही कामगिरी महाविद्यालयाच्या दृष्टीने भूषणावह असून सर्व स्तरातून त्यांच्यावर कौतुकाचा वर्षाव होत आहे. त्यांच्या या यशाबद्दल रयत शिक्षण संस्थेचे व्हा.चेअरमन व महाविद्यालय विकास समितीचे चेअरमन मा. अॅड. भगीरथ शिंदे, महाविद्यालय विकास समिती सदस्य मा. बिपिनदादा कोल्हे, रयत शिक्षण संस्थेच्या उत्तर विभागाचे अध्यक्ष व महाविद्यालय विकास समिती सदस्य मा. आमदार आशुतोषदादा काळे आदिंसह महाविद्यालय विकास समितीच्या सर्व सन्माननीय सदस्यांनी त्यांचे मन:पुर्वक अभिनंदन केले. यानिमित महाविद्यालयात त्यांचा सत्कार समारंभ आयोजित केला होता. महाविद्यालयाचे प्राचार्य डॉ. एस. आर. थोपटे यांच्यासह सर्व शिक्षक, शिक्षकेतर सेवकांनीही प्रा. देशमुख यांचे अभिनंदन केले व त्यांना राष्ट्रीय स्पर्धेसाठी शुभेच्छा दिल्या. सदर प्रसंगी महाविद्यालायचे उपप्राचार्य डॉ. सुभाष रणधीर, डॉ. विजय निकम ज्यु. विभागाचे उपप्राचार्य प्रा. रामभाऊ गमे, रजिस्ट्रार श्री. सुनील ठोंबरे, अधीक्षक श्री. सुनील गोसावी आदिंसह सर्व शिक्षक, शिक्षकेतर सेवक उपस्थित होते.
