कोपरगाव प्रतिनिधी
कोपरगाव तालुक्यातील सर्वात जुन्या परीक्षा केंद्रांपैकी एक असलेल्या श्रीमान गोकुळचंदजी विद्यालय, कोपरगाव येथे शासकीय ग्रेड चित्रकला परीक्षा अत्यंत उत्साही, शिस्तबद्ध आणि नियोजनबद्ध वातावरणात यशस्वीरीत्या पार पडली. कोपरगाव शहर व तालुक्यातील तब्बल १८ शाळांमधील १,०४५ विद्यार्थ्यांनी या परीक्षेत सहभाग नोंदवून आपल्या कलागुणांचे सादरीकरण केले.विद्यार्थ्यांच्या कलात्मक क्षमतेला चालना देणारी आणि त्यांच्या सर्जनशीलतेला योग्य व्यासपीठ उपलब्ध करून देणारी ही परीक्षा विद्यालयाच्या केंद्रावर उत्साहात घेण्यात आली. विविध शाळांमधून आलेल्या विद्यार्थ्यांनी परीक्षेसाठी उत्स्फूर्त सहभाग घेतला. परीक्षेच्या कालावधीत विद्यार्थ्यांमध्ये उत्साहाचे वातावरण होते. परीक्षा सुरळीत पार पडण्यासाठी केंद्रावर आवश्यक त्या सर्व नियोजनाची काळजी घेण्यात आली होती.
या परीक्षा केंद्राचे केंद्रप्रमुख म्हणून विद्यालयाचे मुख्याध्यापक श्री. सुरेंद्र शिरसाळे यांनी जबाबदारी सांभाळली. तर उपकेंद्र संचालक म्हणून विद्यालयाचे कलाशिक्षक श्री. अतुल कोताडे सर व कलाशिक्षिका सौ. शितल अजमेरे मॅडम यांनी काम पाहिले. परीक्षेचे नियोजन, विद्यार्थ्यांना आवश्यक मार्गदर्शन, परीक्षा प्रक्रिया शिस्तबद्धपणे पार पाडणे तसेच विविध शाळांमधून आलेल्या कलाशिक्षकांशी समन्वय साधण्याचे काम त्यांनी प्रभावीपणे केले.परीक्षेच्या शेवटच्या दिवशी केंद्रप्रमुख तथा विद्यालयाचे मुख्याध्यापक श्री. सुरेंद्र शिरसाळे यांनी सहभागी सर्व कलाशिक्षकांचे आभार मानले. परीक्षा यशस्वी करण्यासाठी त्यांनी दिलेल्या योगदानाचे कौतुक केले. विविध शाळांमधून आलेल्या विद्यार्थ्यांना परीक्षेचे वातावरण सुलभ व शिस्तबद्ध मिळावे, यासाठी सर्वांनी केलेल्या सहकार्याबद्दल त्यांनी समाधान व्यक्त केले.
परीक्षा सुरळीत व नियोजनबद्ध पद्धतीने पार पाडण्यासाठी पर्यवेक्षक श्री. बलभिम उल्हारे तसेच विद्यालयातील सर्व शिक्षक व शिक्षकेतर कर्मचाऱ्यांनी मोलाचे सहकार्य केले. केंद्रावरील विविध जबाबदाऱ्या योग्य पद्धतीने पार पाडत सर्वांनी परीक्षेचे कामकाज यशस्वी करण्यासाठी परिश्रम घेतले.या परीक्षा केंद्रावर सहभागी झालेल्या विद्यार्थ्यांना त्यांच्या कलागुणांना वाव मिळण्याबरोबरच चित्रकलेतील बारकावे, सर्जनशीलता आणि कल्पनाशक्ती व्यक्त करण्याची संधी मिळाली. अशा परीक्षांमुळे विद्यार्थ्यांच्या कलात्मक दृष्टिकोनाला चालना मिळून त्यांच्या सुप्त कलागुणांना योग्य व्यासपीठ मिळते. त्यामुळे विद्यार्थ्यांच्या सर्वांगीण विकासाच्या दृष्टीने शासकीय ग्रेड चित्रकला परीक्षेचे महत्त्व अधोरेखित झाले.श्रीमान गोकुळचंदजी विद्यालयात यापूर्वीही विविध शैक्षणिक व कलाविषयक उपक्रमांचे आयोजन करण्यात आले आहे. शासकीय ग्रेड चित्रकला परीक्षेचे केंद्र म्हणून विद्यालयाने यंदाही जबाबदारी प्रभावीपणे पार पाडत परंपरा कायम ठेवली. मोठ्या संख्येने विद्यार्थ्यांनी सहभाग घेतल्याने या केंद्राचे महत्त्व पुन्हा एकदा अधोरेखित झाले.या यशस्वी आयोजनाबद्दल कोपरगाव एज्युकेशन सोसायटीचे अध्यक्ष कैलास ठोळे, सचिव दिलीप अजमेरे, सदस्य राजेश ठोळे, डॉ. अमोल अजमेरे, संदीप अजमेरे व आनंद ठोळे यांनी केंद्रप्रमुख, उपकेंद्र संचालक, पर्यवेक्षक, सहभागी कलाशिक्षक तसेच विद्यालयातील सर्व शिक्षक व शिक्षकेतर कर्मचाऱ्यांचे अभिनंदन करून कौतुक केले.
१,०४५ विद्यार्थ्यांचा उत्स्फूर्त सहभाग, १८ शाळांचा सहभाग आणि विद्यालयातील शिक्षक-शिक्षकेतर कर्मचाऱ्यांचे नियोजनबद्ध सहकार्य यामुळे शासकीय ग्रेड चित्रकला परीक्षा यशस्वीरीत्या पार पडली. विद्यार्थ्यांमधील कलागुणांना वाव देणारी आणि त्यांच्या सर्जनशीलतेला प्रोत्साहन देणारी ही परीक्षा यशस्वीरीत्या संपन्न झाल्याने श्रीमान गोकुळचंदजी विद्यालयाच्या शैक्षणिक व कलाविषयक उपक्रमात आणखी एक मानाचा तुरा रोवला गेला आहे.
