जेऊर कुंभारी वार्ताहर
स्वातंत्र्यदिनाचे औचित्य साधून जेऊर कुंभारी येथील जिल्हा परिषद प्राथमिक शाळा, गिरमेवस्तीमधील ६५ विद्यार्थ्यांना डॉ. सुजित गिरमे व त्यांचे सुपुत्र मयूर गिरमे यांच्या वतीने सुमारे २० हजार रुपये किमतीच्या स्कूल बॅगचे वाटप करण्यात आले.
विद्यार्थ्यांच्या शैक्षणिक गरजा लक्षात घेऊन सामाजिक बांधिलकीतून राबविण्यात आलेल्या या उपक्रमामुळे विद्यार्थ्यांच्या चेहऱ्यावर आनंद फुलला. शैक्षणिक साहित्याच्या माध्यमातून विद्यार्थ्यांना प्रोत्साहन देण्याचा हा उपक्रम कौतुकास्पद असल्याची भावना शिक्षक व पालकांनी व्यक्त केली.
यावेळी उपस्थित मान्यवरांच्या हस्ते विद्यार्थ्यांना स्कूल बॅगचे वाटप करण्यात आले. या उपक्रमामुळे विद्यार्थ्यांमध्ये शिक्षणाची गोडी वाढण्यासोबतच त्यांचा आत्मविश्वास उंचावण्यास मदत होईल, असा विश्वास उपस्थितांनी व्यक्त केला.
डॉ. सुजित गिरमे व मयूर गिरमे यांनी विद्यार्थ्यांच्या शैक्षणिक प्रगतीसाठी दिलेले योगदान प्रेरणादायी असून, विद्यार्थ्यांच्या उज्ज्वल भविष्यासाठी समाजातील प्रत्येक घटकाने पुढाकार घ्यावा, असा संदेश या उपक्रमातून देण्यात आला.
या प्रसंगी ज्येष्ठ नागरिक किसन सोळके, माजी पंचायत समिती सभापती शिवाजी वक्ते, संजीवनी कारखान्याचे संचालक बाळासाहेब वक्ते, माजी सरपंच राजेंद्र गिरमे, पोलीस पाटील बाळासाहेब गायकवाड, यादवराव सोसायटीचे चेअरमन कोंडीराम वक्ते, उपसरपंच जालिंदर चव्हाण, भाजपा युवामोर्चा कोपरगाव तालुकाध्यक्ष किशोर गायकवाड, ग्रामपंचायत सदस्य प्रदीप गायकवाड, शाळा व्यवस्थापन समितीचे अध्यक्ष महेश गुरसळ, कैलासराव वक्ते, भास्कर चव्हाण, कल्याणराव गुरसळ, किरण पाटील वक्ते, अशोक राऊत, द्वारकानाथ देवकर, भास्करराव गायकवाड, अमोल राऊत, सुनील गायकवाड, कैलास चव्हाण, नारायण गुरसळ, राहुल गुरसळ, सतीश गायकवाड, सतीश वक्ते, संदीप वक्ते, नाना मोहिते, निलेश गायकवाड यांच्यासह ग्रामस्थ मोठ्या संख्येने उपस्थित होते.
शाळेच्या मुख्याध्यापिका वंदना पर्वत, शिक्षक अनुज ढुमणे व ज्योती गोर्डे यांची उपस्थिती होती. कार्यक्रमाचे प्रास्ताविक व सूत्रसंचालन अनुज ढुमणे सर यांनी केले, तर आभार प्रदर्शन मुख्याध्यापिका वंदना पर्वत मॅडम यांनी केले.
