कोपरगाव प्रतिनिधी
जागतिक फोटोग्राफी दिनाचे औचित्य साधून तसेच श्रद्धा सागर पवार मॅडम यांच्या वाढदिवसानिमित्त, साई सागर फोटो स्टुडिओचे संचालक श्री. सागर नंदकुमार पवार सर यांनी जिल्हा परिषद प्राथमिक शाळा, गिरमेवस्ती या शाळेस ढोल व ताशा संच भेट देऊन सामाजिक बांधिलकीचा सुंदर आदर्श निर्माण केला. यावेळी विद्यार्थ्यांच्या चेहऱ्यावरील आनंद ओसंडून वाहत होता.
सागर पवार यांनी आपल्या मनोगतातून, “
शाळेतील विद्यार्थ्यांच्या कलागुणांना वाव मिळावा, त्यांच्यामध्ये सांस्कृतिक कलेची आवड निर्माण व्हावी आणि विविध शालेय कार्यक्रमांमध्ये विद्यार्थ्यांना आपल्या कलागुणांचे सादरीकरण करता यावे, या उद्देशाने ही भेट देण्यात आली.” असे सांगितले.
या अनमोल भेटीमुळे विद्यार्थ्यांमध्ये आनंदाचे वातावरण निर्माण झाले. शाळेच्या मुख्याध्यापिका वंदना पर्वत यांनी मनोगत व्यक्त करताना ” शाळेच्या प्रगतीसाठी एक पाऊल पुढे’ या भावनेतून पवार कुटुंबीयांनी केलेली ही मदत निश्चितच कौतुकास्पद आहे असे सांगून या स्तुत्य उपक्रमाचे कौतुक करून सागर पवार सर व श्रद्धा पवार मॅडम यांचे मनःपूर्वक आभार मानून वाढदिवसानिमित्त हार्दिक शुभेच्छा देण्यात आल्या. शिक्षक अनुज ढुमणे यांनी मनोगतातून , “या ढोल ताशाच्या माध्यमातून विद्यार्थ्यांना वादनाची आवड निर्माण होऊन त्यांची कला निश्चितच बहरेल “असे सांगितले. याप्रसंगी शिक्षक, विद्यार्थी, पत्रकार सुनील ससाने, अंगणवाडी कर्मचारी व पोषण आहार कर्मचारी उपस्थित होते.
शेवटी शिक्षिका ज्योती गोरडे यांनी सर्वांचे आभार मानून कार्यक्रमाची सांगता झाली.
