जेऊर कुंभारी वार्ताहर
कोपरगाव तालुक्यातील अग्रगण्य असणाऱ्या जोगेश्वरी इंटरनॅशनल स्कूलमध्ये ८० वा स्वातंत्र्य दिन मोठ्या उत्साहात साजरा करण्यात आला. यावेळी जिजाई बहुउद्देशीय शैक्षणिक संस्थेचे अध्यक्ष भास्करराव होन हे प्रमुख पाहुणे म्हणून उपस्थित होते,तर सचिव सुनील होन कार्यक्रमाचे अध्यक्ष होते सर्वप्रथम राष्ट्रध्वजाला सलामी देत राष्ट्रगीताचे गायन करून ध्वजारोहण भास्करराव होन यांच्या हस्ते पार पडले. या कार्यक्रमाची सुरुवात सरस्वती माता ,महात्मा गांधी ,पंडित जवाहरलाल नेहरू ,महात्मा फुले, सुभाष चंद्र बोस या थोर महात्म्यांच्या प्रतिमेचे पूजन करून करण्यात आली. यानंतर इयत्ता सहावी मधील विद्यार्थिनींनी ध्वजगीत सादर केले. संचालक सागर होन यांचा मार्गदर्शनाखाली मुलांनी कवायत दाखवून या कार्यक्रमाची शोभा वाढवली.इयत्ता नर्सरी, एलकेजी, युकेजीच्या चिमुकल्यांनी कविता आणि गोष्टी सादर केल्या तसेच इयत्ता पहिली ते नववी च्या विद्यार्थ्यांनी आपल्या देशाच्या स्वातंत्र्याबद्दल तसेच स्वातंत्र्यसैनिकांबद्दल आपले मनोगत व्यक्त केले. इयत्ता सातवी ते नववीतील विद्यार्थिनींनी देशभक्तीपर गीत सादर करून सर्व वातावरण भावूक केले. प्राचार्या ज्योती खरात यांनी आपल्या देशाला स्वातंत्र्य मिळवून देणाऱ्या शूरवीरांचे योगदान विद्यार्थ्यांना सांगितले
, तसेच आपल्या देशाबद्दल आपले कर्तव्य, निष्ठा देशभक्ती यांचे महत्त्व त्यांनी आपल्या मनोगतामधून व्यक्त केले. या कार्यक्रम प्रसंगी मागील शैक्षणिक वर्षातील (२०२५-२६) प्रथम , द्वितीय आणि तृतीय आलेल्या विद्यार्थ्यांना जिजाई बहुउद्देशीय शैक्षणिक संस्थेचे अध्यक्ष भास्करराव होन , सचिव सुनील होन, संचालक सागर होन,खजिनदार पल्लवी होन, प्राचार्या ज्योती खरात यांच्या हस्ते बक्षिस वितरण करण्यात आले.देशभक्तीच्या या उत्सवात जय जवान जय किसान, भारत माता की जय, वंदे मातरम अशा घोषणा देत कार्यक्रमात सर्व शिक्षक, विद्यार्थी ,पालक मोठ्या उत्साहात सहभागी झाले होते. स्वातंत्र्य दिनाचे औचित्य साधून शिर्डी साई फ्रेंड्स असोसिएशन (NGO) सेवाभावी संस्थेमार्फत विद्यार्थ्यांना भोजन देण्यात आले. या कार्यक्रमाचे सूत्रसंचालन स्वाती वक्ते यांनी केले तर आभार मिनल बोरावके यांनी व्यक्त केले.
या कार्यक्रमासाठी साचिव सुनील होन, संचालक सागर होन, प्राचर्या ज्योती खरात, अश्विनी होन, पल्लवी होन, स्वाती वक्ते, स्नेहल होन,मिनल बोरावके,शितल होन,सायली बोरावके, कविता लिंभूरे,रुपाली चव्हाण ,रेश्मा जावळे, कांचन जाधव, दिलीप शिंदे, वैशाली गुंजाळ,संजना बोरावके इ. शिक्षक तसेच मुक्ता तुवर , सादिक सय्यद,शिवाजी जाधव, सोमनाथ पवार, साई पवार,अमोल कदम इ. शिक्षेकेत्तर कर्मचारी उपस्थित होते.
