भाजपकडून विधानपरिषद सदस्यपदी निवड झाल्याबद्दल जेऊर कुंभारी ग्रामस्थांकडून भव्य सत्कार!!
जेऊर कुंभारी वार्ताहर
कोपरगाव तालुक्याच्या सर्वांगीण विकासासाठी सातत्याने पाठपुरावा करून विविध विकासकामांना गती देणारे आमदार विवेक भैय्या
कोल्हे यांचा जेऊर कुंभारी ग्रामस्थांच्या वतीने भव्य सत्कार करण्यात आला. भाजप पक्षाकडून विधानपरिषद सदस्यपदी निवड झाल्याबद्दल हा सत्कार समारंभ शुक्रवार दि. १६ मे २०२६ रोजी संजवनी कारखाना येथे उत्साहपूर्ण वातावरणात पार पडला.
तालुक्यातील रस्ते, पाणीपुरवठा, शेतकरी प्रश्न तसेच युवकांना रोजगार व मार्गदर्शन मिळावे यासाठी आ. कोल्हे यांनी सातत्याने शासन दरबारी पाठपुरावा केला असून अनेक प्रलंबित प्रश्न मार्गी लावण्याचा प्रयत्न केला आहे. ग्रामीण भागाच्या विकासासाठी त्यांनी घेतलेल्या पुढाकाराचे ग्रामस्थांनी यावेळी विशेष कौतुक केले. कार्यक्रमाला गावातील ज्येष्ठ नागरिक किसन सोळके, रघुनाथ पाटील वक्ते, जेऊर कुंभारी सोसायटीचे चेअरमन दादासाहेब चव्हाण,सरपंच यशवंतराव आव्हाड,
भाजप युवामोर्च तालुका सचिव किशोर गायकवाड, कैलास चव्हाण, सुनिल वक्ते.मधुकर वक्ते, मारूती बिडवे
तसेच विविध सामाजिक संस्थांचे पदाधिकारी मोठ्या संख्येने उपस्थित होते. यावेळी ग्रामस्थांनी तालुक्यातील विविध समस्या, प्रलंबित विकासकामे, पाणीप्रश्न आणि रस्त्यांच्या कामांबाबत चर्चा करून विविध मागण्या मांडल्या.
यावेळी बोलताना आ. विवेक भैय्या
कोल्हे म्हणाले, “जनतेचा विश्वास हीच माझी ताकद असून कोपरगाव तालुक्याचा विकास हेच माझे ध्येय आहे.” ग्रामीण भागातील प्रत्येक नागरिकापर्यंत विकास पोहोचवण्यासाठी आपण कटिबद्ध असल्याचे त्यांनी नमूद केले. तसेच आगामी काळात युवक, शेतकरी आणि सर्वसामान्य नागरिकांच्या प्रश्नांना प्राधान्य देऊन अधिकाधिक विकासकामे मार्गी लावण्याचे आश्वासन त्यांनी दिले.
संपूर्ण कार्यक्रम उत्साहपूर्ण वातावरणात पार पडला असून ग्रामस्थांनी आ. विवेक भैय्या
कोल्हे यांच्या पुढील वाटचालीस शुभेच्छा दिल्या.
