कोपरगाव प्रतिनिधी
कोपरगाव तालुक्यातील जोगेश्वरी इंटरनॅशनल स्कूल मध्ये डॉ. बाबासाहेब आंबेडकर यांच्या ६९ व्या महापरिनिर्वाण दिनी विनम्र अभिवादन करण्यात आले यावेळी संस्थेचे सचिव सुनिल होन, संचालक सागर होन व प्राचार्या ज्योती खरात यांच्या हस्ते डॉ. बाबासाहेब आंबेडकर यांच्या प्रतिमेला पुष्पहार अर्पण करून त्यांना आदरांजली वाहण्यात आली.जागतिक स्तराची उंची असलेले महामानव डॉ. बाबासाहेब आंबेडकर हे स्री उद्धारक होते. त्यांच्या शैक्षणिक सामाजिक व घटनात्मक कार्याला त्रिवार अभिवादन करून त्यांच्या उच्च व तत्व विचारांना सर्वांनी आचरणात आणावे असे संस्थेचे सचिव सुनिल होन आपल्या भाषणात म्हणाले तसेच स्वाती वक्ते व शाळेच्या प्राचार्या ज्योती खरात यांनी आपले महापरिनिर्वाण दिनाविषयी आपले मनोगत व्यक्त केले.
या कार्यक्रमाचे प्रास्ताविक अश्विनी होन यांनी केले तर आभार कविता लिंभुरे यांनी मांडले.या कार्यक्रमासाठी संस्थेचे सचिव सुनिल होन, संचालक सागर होन, प्राचार्या ज्योती खरात, अश्विनी होन, पल्लवी होन, स्वाती वक्ते, स्नेहल होन, मीनल बोरावके, शितल होन, सायली बोरावके,रूपाली होन, कविता लिंभुरे, रेश्मा होन, प्रीती वक्ते इत्यादी शिक्षक तसेच मुक्ता तुवर, शिवाजी जाधव, सादिक सय्यद भरत पवार इत्यादी शिक्षकेत्तर कर्मचारी उपस्थित होते.
