जेऊर कुंभारी वार्ताहर
सहकार महर्षी शंकरराव कोल्हे सहकारी कारखान्याचे तसेच संजीवनी उद्योग समूहाचे अध्यक्ष बिपिन दादा कोल्हे यांच्या वाढदिवसानिमित्त हॅरिसन बँच शाळेत मोफत वह्यांचे वाटप करण्यात आले.
यावेळी महर्षी शंकरराव कोल्हे कारखान्याचे संचालक सतिषराव आव्हाड,संचालक बाळासाहेब वक्ते,माजी सभापती शिवाजी वक्ते,माजी संचालक मधुकर वक्ते, ज्येष्ठ नागरिक विजय रोहम,ग्रामपंचायत सदस्य यशवंत आव्हाड, ग्रामपंचायत सदस्य प्रदीप गायकवाड, शिवाजीराव वक्ते, पिंटू वक्ते, शाळेच्या मुख्याध्यापिका रंजना डोंगरे आदी उपस्थित होते.
गोरगरिबांच्या घरापर्यंत शिक्षणाची ज्ञानगंगा पोहचावी म्हणून आदरणीय बिपिन दादा कोल्हे दरवर्षी २१ जून रोजी आपल्या वाढदिवसाच्या दिवशी कोणत्याही प्रकारचे हार – तुरे न स्विकारता संपूर्ण तालुक्यातील गरजू व गुणवंत विद्यार्थ्याना प्रत्येक शाळेत वह्यांचे वाटप करत असतात.शाळेमध्ये सर्व सुविधा मिळत असून आता विद्यार्थ्यांनी फक्त शिक्षणाकडे लक्ष दिले पाहिजे.असे प्रतिपादन संजीवनी सहकारी साखर कारखान्याचे संचालक बाळासाहेब वक्ते यांनी केले.तसेच जेऊर कुंभारी गावाच्या वतीने आदरणीय बिपीन दादा कोल्हे यांना वाढदिवसाच्या शुभेच्छा दिल्या.
यावेळी शाळेतील उपक्रमशील शिक्षक नवनाथ सूर्यवंशी यांनी शाळेतील उपक्रम,विद्यार्थी लाभाच्या योजना तसेच दर्जेदार शिक्षणासाठी आम्ही शिक्षक बांधील असल्याचे संगितले.
शाळेच्या वतीने मुख्याध्यापिका रंजना डोंगरे यांनी सर्व विद्यार्थ्याना मोफत वह्या दिल्याबद्दल आदरणीय बिपिन दादा कोल्हे यांचे आभार मानून वाढदिवसाच्या आरोग्यदायी शुभेच्छा दिल्या.तसेच उपस्थित मान्यवरांचे आभार मानून कार्यक्रम संपल्याचे जाहीर केले.
