जेऊर कुंभारीत वार्ताहर
कोपरगाव तालुक्यातील जोगेश्वरी इंटरनॅशनल स्कूलमध्ये जागतिक योग दिन मोठ्या उत्साहात साजरा करण्यात आला. यावेळी जिजाई बहुउद्देशीय शैक्षणिक संस्थेचे अध्यक्ष श्री. भास्करराव होन ,सचिव सुनील होन ,संचालक सागर होन आणि योगा प्रशिक्षक श्री. कानडे सर हे प्रमुख पाहुणे म्हणुन उपस्थित होते.
जागतिक योग दिन हा या शैक्षणिक वर्षातला पहिलाच कार्यक्रम असल्याने त्याची सुरूवात आपल्या भारतीय संस्कृतीनुसार सरस्वती पूजन करून करण्यात आली. यावेळी संस्थेचे अध्यक्ष भास्करराव होन ,सचिव सुनील होन, संचालक सागर होन, योगा प्रशिक्षक कानडे सर आणि प्राचार्या ज्योती खरात यांनी सरस्वती मातेच्या प्रतिमेचे पुजन करून या कार्यक्रमाची सुरवात करण्यात आली.
योगा प्रशिक्षक श्री.कानडे सर यांनी मुलांना काही व्यायामाचे प्रकार करून दाखविले आणि मुलांनी व्यायामाचे विविध प्रकार केले.योग शरीराला बळकट करतो,मन शांत करतो आणि दैनंदिन जीवनात जागरूकता आणि जबाबदारी ची उच्च भावना वाढवतो असे प्राचार्या ज्योती खरात यांनी सांगितले. तसेच योगा करणे म्हणजे एकत्र येणे होय योग मुळात एक अध्यात्मिक शिस्त आहे जी अत्यंत सुक्ष्म विज्ञानावर आधारित आहे ती मन आणि शरीर यांच्यात सुसंवाद आणण्यावर लक्ष केंद्रित करते असे संस्थेचे सचिव सुनिल होन यांनी आपल्या भाषणात सांगितले.या कार्यक्रमात शाळेचे सर्व शिक्षक आणि शिक्षकेत्तर कर्मचारी तसेच विद्यार्थी उपस्थित होते.त्यांनी देखील विविध प्रकारचे योगासने प्राणायाम केले.
या कार्यक्रमाचे सूत्रसंचालन सौ. शितल होन यांनी केले त्यांनी मुलांना वेगवेगळ्या प्रकारचे योगासने ,प्राणायाम करून दाखविले. त्याचबरोबर शाळेच्या काही विद्यार्थिनींनी ताडासन, वृक्षासन,वज्रासन या प्रकारची योगासने तसेच भ्रामरी, भस्रीका यासारखी प्राणायम केली. सौ. शितल होन यांनी मुलांना योगासने आणि प्राणायाम यांचे महत्व आणि फायदे सांगितले
तसेच सौ. पल्लवी होन यांनी या कार्यक्रमाचे आभार व्यक्त केले.
या कार्यक्रमासाठी साचिव श्री. सुनील होन, संचालक सागर होन, प्राचर्या ज्योती खरात, अश्विनी होन, पल्लवी होन, स्वाती वक्ते, श्रद्धा होन ,स्नेहल होन,मिनल बोरावके,शितल होन,सायली बोरावके,निशा पवार , अश्विनी पवार इ. शिक्षक तसेच मुक्ता तुवर , वाल्मीक होन ,सादिक सय्यद,शिवाजी जाधव, सोमनाथ पवार इ. शिक्षेकेत्तर कर्मचारी उपस्थित होते.
