जेऊरकुंभारी वार्ताहर
कोपरगाव तालुक्यातील चांदेकसारे येथील जागृत देवस्थान म्हणून प्रसिद्ध असलेल्या बाल भैरवनाथ व माता जोगेश्वरी मंदिरास गावातील उद्योजक विजय केशवराव होन यांनी तब्बल एक लाख रुपये मूल्याचे चांदीचे मुकुट दान दिले.
होन कुटुंबीय धार्मिक कार्यात नेहमीच पुढाकार घेत असून, त्यांनी दिलेले हे दान भाविकांमध्ये चर्चेचा विषय ठरत आहे. दरवर्षी येथे भैरवनाथ व जोगेश्वरी मातेची यात्रा मोठ्या उत्साहात साजरी केली जाते. या यात्रेला केवळ चांदेकसारे पंचक्रोशी नव्हे तर संपूर्ण जिल्ह्यातून भाविक मोठ्या संख्येने उपस्थित राहतात. हे देवस्थान ‘अ’ श्रेणीत समाविष्ट असून पंचक्रोशीतील श्रद्धास्थान म्हणून ओळखले जाते.
विजय होन यांच्या या उदार दानाबद्दल ग्रामस्थांसह बाल भैरवनाथ व माता जोगेश्वरी ट्रस्टतर्फे विशेष आभार व्यक्त करण्यात आले आहेत.
