बिपिन दादा कोल्हे यांचे वाढदिवसानिमित्त गिरमे वस्ती शाळेत विद्यार्थ्यांसाठी राबवला जादूच्या प्रयोगांचा उपक्रम !!
जेऊर कुंभारी वार्ताहर
२१ जून संजीवनी उद्योग समूहाचे अध्यक्ष आदरणीय बिपिनदादा कोल्हे यांच्या वाढदिवसाच्या निमित्ताने प्रदीप गायकवाड व भीमसाम्राज्य सेना मित्र मंडळ यांच्यावतीने गिरमे वस्ती शाळेतील विद्यार्थ्यांसाठी जादूचे प्रयोग कार्यक्रम आयोजित करण्यात आला. यावेळी बोलताना प्रदीप गायकवाड म्हणाले की विद्यार्थी दशेमध्ये हास्य आणि विनोदाला अनन्यसाधारण महत्त्व आहे. हास्यविनोदामुळे विद्यार्थ्यांमध्ये एकाग्रता वाढते शिक्षण आनंददायी होते व तान कमी होतो. त्यामुळे शालेय पातळीवर असे उपक्रम राबवणे गरजेचे आहे. संजीवनी उद्योग समूहाचे अध्यक्ष आदरणीय बिपिन दादा कोल्हे हे या कोपरगाव तालुक्याचे भूषण असून वाढदिवसानिमित्त कुठलाही सत्काराचे कार्यक्रम न करता लोकोपयोगी लोकहिताचे उपक्रम या दिवशी राबवावे असा त्यांचा नेहमीच सल्ला असतो. संपूर्ण तालुक्यामध्ये वह्या वाटपांबरोबर विविध सामाजिक उपक्रमातून दादांचा वाढदिवस कार्यकर्ते साजरा करत असतात. दादांचे लहान मुले आणि विद्यार्थ्यांवर विशेष प्रेम आहे. आणि त्यामुळेच आज ह्या चिमुकल्यांसाठी जादूचे प्रयोगाचे आयोजन करण्यात आल्याचे गायकवाड यांनी सांगितले. यावेळी जादूगार यांनी विविध प्रयोगातून जादू दाखवून विद्यार्थ्यांना मनसोक्त हसवून मनोरंजन केले. सर्व विद्यार्थ्यांनी टाळ्यांच्या गजरामध्ये आनंदाच्या वातावरणात बिपिनदादांना वाढदिवसाच्या शुभेच्छा दिल्या. यावेळी शाळेचे शिक्षक श्री अनुज डुमणे सर यांनी शाळेच्या वतीने आदरणीय बिपिन दादांना वाढदिवसाच्या शुभेच्छा देताना दरवर्षी दादांच्या वाढदिवसानिमित्त कार्यकर्ते विविध शाळेतील विद्यार्थ्यांना दर्जेदार वह्यांचे वाटप करतात असे सांगून दादांच्या कार्याचे कौतुक केले तर शाळेच्या मुख्याध्यापिका सौ जोशी मॅडम यांनी वाढदिवसानिमित्त राबवलेल्या या अनोख्या उपक्रमाचे कौतुक केले. यावेळी भीमसाम्राज्य सेनेचे संस्थापक प्रदीप गायकवाड, जालिंदर चव्हाण, बाळासाहेब राऊत, भीमसाम्राज्य सेनेचे कार्याध्यक्ष सुमित पगारे, अध्यक्ष सागर गायकवाड, उपाध्यक्ष सागर जगताप, दाविद धीवर, निलेश शिंदे सोमेश्वर गायकवाड आदींसह ग्रामस्थ पालक व विद्यार्थी मोठ्या संख्येने उपस्थित होते.
