जेऊर कुंभारी वार्ताहर
अभिजात भाषेचा दर्जा लाभलेली मराठी राजभाषा हीचा आज गौरव दिन कविश्रेष्ठ कुसुमाग्रज यांची जयंती संपूर्ण महाराष्ट्रामध्ये मराठी भाषा गौरव दिन म्हणून साजरी केली जाते
जिल्हा परिषद शाळा मढी खुर्द येथे आज मराठी भाषा गौरव दिनानिमित्त ग्रंथ दिंडीचे आयोजन करण्यात आले. विद्यार्थ्यांच्या डोक्यावरील कलश व लाल वस्त्रात गुंडाळलेले ग्रंथ सर्वांना आकर्षित करत होते. महाराष्ट्रीय पोशाख करत विद्यार्थ्यांनी लेझीम नृत्याने दिंडीत आणखी भर घातली. गावातील मध्यवर्ती चौकात साईबाबा मंदिरासमोर पालखीत ठेवण्यात आलेले ज्ञानेश्वरी, ग्रामगीता या ग्रंथांचे उपस्थित महिला व पालक वर्गाच्या हस्ते पूजन करण्यात आले.
यासाठी व्यवस्थापन समितीचे अध्यक्ष ज्ञानेश्वर भागवत, सदस्य उषा माळी ग्रामसेवक किरण राठोड व गावचे सरपंच सुनील भागवत यांच्याबरोबरच अनेक मान्यवर उपस्थित होते.
कार्यक्रमाच्या यशस्वीतेसाठी शाळेतील शिक्षक वर्ग शबाना तांबोळी, धनंजय सूर्यवंशी, रेखा क्षीरसागर, रूपाली आभाळे, अश्विनी गवळीव मुख्या. अमोद माळी या सर्वांनी विशेष परिश्रम घेतले. गावकऱ्यांनी विद्यार्थ्यांचे भरभरून कौतुक केले
