जेऊर कुंभारी वार्ताहर
कोपरगाव तालुक्यातील जेऊर कुंभारी गावतात दि.५ नोव्हेंबर रोजी पहाटे ३वाजेच्या सुमारास येथील रहीवासी समाधान भागवत गुडघे यांच्या राहत्या घरी चार ते पाच अज्ञात चोरट्यांनी दाराची कडी उघडुन चोरटया पावलांनी घरात प्रवेश करत९० हजाराची दिड तोळ्याची पोत, सहाभार ब्रेसलेटसह चांदीचे, दागिने,९ हजार रूपये दिड ग्रँम कानातले, रोख रक्कमे सह एक किमती मोबाईल असा ऐवज चोरून नेला आहे.
समाधान गुडघे व कटुंब पहाटे च्या साखर झोपेत असताना ही चोरी झाली आहे सकाळी ६वा उठल्यानंतर त्यांच्या कुटूंबीयांना कपाटातील सगळ्या वस्तु अस्ताव्यस्त पडलेल्या दिसल्याने ते हतबल झाले तसेच चोरांनी जवळच चिकूच्या बागेत काही कपडे व वस्तु टाकून दिल्या ही चोरीची बातमी संपुर्ण गावात वाऱ्यासारखी पसरली त्यामुळे ग्रामस्थ भयभीत झालेले आहे.दुष्काळत तेरावा महिना अशी गत झाली आहे.विहिरीने तळ गाठला आहे रब्बीचे पिके अशी वाचवायची असा प्रश्न शेतकऱ्यांसमोर निर्माण झाला आहे त्यात गावामध्ये मोटर सायकल विद्युत रोहिततंत्रे, स्टार्टर,केबल अशा छोट्या मोठ्या चोरीनंतर चोरीनी घरफोडीचे सत्र सुरूकेले आहे.त्यामुळे शेतकरी वर्गात भितीचे वातावरण निर्माण झाला आहे.समाधान गुडघे यांनी घरफोडीच्या संदर्भात कोपरगाव शहर पोलिस स्टेशनला तक्रार दाखल केली आहे .
