जेउरकुंभारी वार्ताहर
कोपरगाव तालुक्यातील जेऊर कुंभारी येथील पवार वस्ती ते अकोला तालुक्यातील येडुआई मातेची पायी ज्योत जेऊर कुंभारी गावात आली असून भाविकांनी स्वागत केले आहे.
पवार वस्ती येथील जय अंबिका तरूण मंडळाने पायी ज्योती आणण्यासाठी काल दिनांक १४ ऑगस्ट रोजी पवार वस्ती येथून प्रस्थान केले. याप्रसंगी सरपंच सुवर्णा पवार यांनी भगवान एकलव्य यांना नारळ वाढवून मंडळास पायी ज्योत आणण्यास निरोप देण्यात आला.
सालाबाद प्रमाणे गेल्या १० वर्षापासून नवरात्र उत्सवामध्ये साडेतीन शक्तीपीठांपैकी देवीचे दर्शन घेण्यासाठी वर्षातून एकदा या पायी ज्योतीचे आयोजन करण्यात येते. दि.१५ ऑक्टोबर रोजी १२० किलोमीटरचा प्रवास करून सकाळी ७ वा पायी ज्योती जेऊर कुंभारीत दाखल झाली तेव्हा तीचे ढोलताशांच्या गजरात स्वागत करण्यात आले. या पायी ज्योत आणणाऱ्या तरुण मंडळास राष्ट्रसंत जनार्दन स्वामी महाराज यांचे परमशिष्य रमेशगिरीजी महाराज यांनी पण आशिर्वाद दिला व या तरूण मंडळाचे कौतुक केले.
याप्रसंगी जेऊर कुंभारी गावच्या सरपंच सुवर्णा पवार, उपसरपंच अनिता वक्ते , माजी सभापती शिवाजीराव वक्ते,
संचालक बाळासाहेब वक्ते, संचालक सतिष आव्हाड, डाऊच गावचे लोकनियुक्त सरपंच संजय गुरसळ
संजय शांतीलाल वक्ते, सतिष पवार,बाळासाहेब जाधव ,जयअंबिका तरूण मंडळाचे सर्व सदस्य व कार्यकर्ते आदी सह ग्रामस्थांनी मोठ्या जल्लोषात स्वागत केले.
