आज दिनांक १ ऑगस्ट रोजी हॅरीसन ब्रँच शाळेत लोकमान्य टिळक पुण्यतिथी व अण्णाभाऊ साठे जयंती उत्साहात साजरी करण्यात आली.यावेळी शाळेच्या मुख्याध्यापिका रंजना डोंगरे यांच्या हस्ते प्रतिमेचे पूजन करण्यात आले.नवनाथ सूर्यवंशी यांनी ‘स्वराज्य माझा जन्मसिध्द हक्क आहे आणि तो मी मिळवणारच !’ अशी धाडसी घोषणा करणारे लोकमान्य टिळक,त्यांनी स्वराज्यासाठी दिलेले योगदान,टिळकांची पत्रकारिता, शाळेत असताना शेंगांची टरफले उचलायला दिलेला नकार तसेच लोकमान्य टिळकांच्या जीवन चरित्राविषयी आणि लोकशाहीर अण्णाभाऊ साठे यांच्या जीवनकार्याविषयी माहिती विद्यार्थ्याना दिली.कार्यक्रमाचे सूत्रसंचालन नवनाथ सूर्यवंशी व आभार रंजना डोंगरे यांनी केले.
