कोपरगाव प्रतिनिधी
कोपरगाव तालुक्यातील सुरेगांव येथे अवैध गावठी हातभट्टी पोलीसांनी उध्वस्त करून ४२ हजार रुपये किंमतीचे ६०० लिटर दारू बनविण्याचे कच्चे व पक्के रसायन नष्ट करण्यात प्रशासनाला यश आले आहे. तसेच सुरेगांव मध्येच १०० लिटर १० हजार रुपयांची गावठी हातभट्टीची तयार दारू कब्ज्यात बाळगून विक्री करताना एक महिला मिळून आली. कोपरगाव तालुका पोलिसांनी सुरेगांव येथील दोन प्रकरणांतील आरोपींवर गुन्हा दाखल केला आहे. अशी माहिती पोलीस निरीक्षक वासुदेव देसले यांनी दिली.
या बाबत पोलिसांनी दिलेल्या माहितीनुसार दिनांक २४ जुलै रोजी सुरेगांव येथील दत्तु जानू पिंपळे रा. मोतीनगर सुरेगाव ता. कोपरगाव अवैधरित्या गावठी हातभट्टीचीस दारू विक्री करीता तयार करीत असल्याची कोपरगाव तालुका पोलिसांना गोपनीय माहिती मिळताच अवैध गावठी हातभट्टी अड्ड्यावर पोलीस निरीक्षक वासुदेव देसले यांनी छापा टाकून ४२ हजार रुपये किंमतीचे ६०० लिटर दारू बनविण्याचे कच्चे व पक्के रसायन नष्ट करून पो. कॉ. अविनाश अशोक तमनर यांचे फिर्यादीवरून पोलीस स्टेशन गु.र.नं. ३७२ / २०२३ म. प्रो. अ. क. ६५ (फ) प्रमाणे दाखल करण्यात आलेला आहे. तसेच सुरेगाव येथे महिला आरोपी नामे नंदाबाई दादा काळे रा. सुरेगाव ता. कोपरगाव ही १० हजार रुपये किमतीची १०० लिटर गावठी हातभट्टीची तयार दारू बाळगून विक्री करतांना मिळुन आली आहे. तिचेविरुध्द महिला पो. कॉ. ज्योती दिलीप राहणे यांचे फिर्यादीवरून कोपरगाव ता. पो. स्टे गुरनं. ३७१ / २०२३ म.प्रो.अ.क. ६५ (ई) प्रमाणे गुन्हा दाखल करण्यात आला आहे. सदर कारवाई पोलीस अधीक्षक राकेश ओला, अपर पोलीस अधीक्षक स्वाती भोर श्रीरामपूर, उपविभागीय पोलीस अधिकारी शिर्डी संदीप मिटके यांचे सुचना व मार्गदर्शनाखाली कोपरगाव तालुका पोलीस स्टेशनचे पोलोस निरीक्षक वासुदेव देसले, सहाय्यक पोलीस उपनिरीक्षक महेश कुमारे सहाय्यक पोलीस उपनिरीक्षक गजानन वांढेकर, सहाय्यक पोलीस उपनिरीक्षक, सुरेश गागरे, पो.कॉ अविनाश तमनर, महिला पो. कॉ. ज्योती राहणे पो.कॉ किसन सानप, पोना. रामचंद्र साळुंके यांनी केलेली आहे.पोलिसांच्या या कामगिरीचे
सर्वत्र कौतुक होत आहे.
