जेऊर कुंभारी वार्ताहर
कोपरगाव तालुक्यातील
चांदेकसारे गांव तसेच पंचक्रोशीत छोट्या मोठ्या चोऱ्यांचे प्रमाण वाढले आहे. या भुरट्या चोरांना पोलिसांनी वेळीच पायबंद घालावा अशी मागणी जोगेश्वरी इंटरनॅशल स्कुलचे सचिव सुनील होन यांनी केली आहे.
काही दिवसापूर्वी चांदेकसारे येथील राजेंद्र होन यांच्या टॅक्टरची बॅटरी अज्ञान चोरट्याने चोरी केली होती. शेती उपयोगी साधनांची चोरी होत असल्याने ऐन खरीप हंगामात शेतकऱ्यांना आर्थिक अडचणीला सामोरे जावे लागले आहे. जेऊर कुंभारी गावत दोन महिन्यापुर्वी गौरव सानप यांच्या वस्तीवरून एक अज्ञात चोरट्याने टाॅक्टरची बॅटरी चोरांनी चोरून नेली. ही घटना सीसीटीव्ही कॅमेऱ्यात कैद झाली आहे. या संदर्भात पोलिस स्टेशनला फिर्याद दाखल करण्यात आली आहे. ऐन हंगामात ट्रॅक्टरचे साहित्य चोरी जात असल्याने सध्या शेतकऱ्यांना शेतात मशागत करण्यासाठी टॅक्टरची अडचण भासत आहे. शेतकऱ्यांनी बियाणे व मशागतीसाठी कर्ज काढले, घरातील सोने गहाण ठेवले, पेरणी केली, दुबार पेरणीचेही संकट उभे ठाकले आहे. त्यातच शेतीउपयोगी वस्तूंची चोरी होत असल्याने नैसर्गिक संकटाबरोबर मानवनिर्मित संकटाने शेतकरी हवालदिल झाला आहे.
चांदेकसारे येथील आठवडी बाजारात नाना पगारे यांची एच.एफ डिलक्स एम.एच १७ बी.जे ८४६४ क्रमांकाची मोटरसायकल चोरी गेली आहे. त्यामुळे नागरिकांमध्ये भीतीचे वातावरण निर्माण झाले आहे. चांदेकसारे येथे दर शनिवारी आठवडी बाजार भरत असतो, त्या बाजारात जेऊर कुंभारी, घारी, डाऊच खुर्द, डाऊच बुद्रुक, आनंदवाडी या भागातील नागरिक येत असतात मात्र भुरट्या चोऱ्यांमुळे आठवडे बाजारावर देखील परिणाम होत आहे. त्यामुळे या चोरीच्या घटना घडू नये अशी मागणी ग्रामस्थांनी केली आहे. या गंभीर बाबीकडे पोलिसांनी तातडीने लक्ष घालुन भुरट्या चोरांचा बंदोबस्त करावा अशी मागणी चांदेकसारे येथील जोगेश्वरी इंटरनॅशनल स्कूलचे सचिव सुनिल होन यांनी केली आहे.
