कोपरगाव प्रतिनिधी
नगरपालिका शाळा क्र.६ च्या उपक्रमशील,कृतिशील शिक्षिका सुनिता इंगळे यांच्या अथक प्रयत्नातून AFE CSTE प्रोग्राम अंतर्गत शाळेला आठ संगणक असणारा संगणक कक्ष व लॅपटॉप मिळाला आहे.आज दि.१० जुलै रोजी जिल्हा परीषद सभागृह अहमदनगर येथे जिल्हा परीषद मुख्य कार्यकारी अधिकारी आशिष येरेकर,जिल्हा शिक्षण व प्रशिक्षण संस्था संगमनेरचे प्राचार्य भगवान खारके,प्राथमिक उपशिक्षणाधिकारी विलास साठे,लोटके साहेब आणि पदाधिकारी LFE संस्थेचे तुकाराम लाळगे,शितल निकम,रविराज निंबाळकर, तसेच Lfe टीमचे इतर पदाधिकारी यांच्या प्रमुख उपस्थितीत सन्मानीत करण्यात आले.
अहमदनगर जिल्ह्यात माहे जानेवारी ते मार्च २०२३ या कालावधीत ICTC हा Computaional Thinking आणि समस्यानिराकरण यासारख्या कौशल्यावर भर देणारा ऑनलाईन शिक्षण क्रम स्थानिक स्वराज्य संस्थाच्या शाळेतील शिक्षकांसाठी ऐच्छिक स्वरुपात देण्यात आला होता.यात जिल्ह्यातील ३३३ शिक्षकांनी हा शिक्षणक्रम यशस्वी पूर्ण केला.त्या ८० शिक्षकांना ‘अॕमेझाॕन फ्युचर इंजिनिअर’ कडून पारितोषिके देण्यात आली. जिल्हा शिक्षण व प्रशिक्षण संस्था संगमनेर, तसेच शिक्षण विभाग (प्राथमिक) जिल्हा परिषद,जिल्हा अहमदनगर यांनी आयोजित केलेल्या ICTC हे प्रशिक्षण यशस्वीरीत्या पूर्ण केले. यात विशेष प्राविण्यासह झालेली निवड निश्चितच कौतुकास्पद ठरली. यात मिळालेले पारितोषिके ८ संगणक व लॅपटॉप विद्यार्थ्यांना उपयुक्त अशीच आहेत.
विद्यार्थ्यांच्या अध्ययनात येणाऱ्या समस्या सोडविण्यासाठी हे प्रशिक्षण शिक्षकांना खूप उपयुक्त होते.तसेच कोडींगचा वापर करून नवनवीन घटकांचा वापर करून शिक्षकांबरोबर विद्यार्थी देखील छानसे व्हिडिओ तयार करू शकतात हे सुध्दा सदर प्रशिक्षणात शिकविण्यात आले. यात सुनिता इंगळे यांनी जिल्ह्यात पहिला नंबर पटकवल्याने त्यांना AFE CSTE प्रोग्राम अंतर्गत संगणक कक्षासाठी रुपये तीन लाख किमतीचे आठ संगणक व लॅपटॉप बक्षीस स्वरुपात मिळाला. याचा फायदा निश्चितच शाळेतील गोरगरीब विद्यार्थ्यांना होणार आहे.सुनिता इंगळे या सातत्याने अध्यापनात नवनवीन प्रयोग करत असतात.त्यांचे अनेक नाविन्यपूर्ण उपक्रम महाराष्ट्रातील विद्यार्थ्यांसाठी उपयुक्त ठरत आहेत.पारितोषिक वितरण प्रसंगी शाळेच्या मुख्याध्यापिका कल्पना निंबाळकर,सहशिक्षिका सविता साळुंके, भाऊसाहेब निंबाळकर,नवनाथ सूर्यवंशी उपस्थित होते. त्यांच्या या पुरस्कारासाठी न.पा.शिक्षण मंडळाचे प्रशासनाधिकारी राजेश डामसे, नगरपालिका शिक्षण मंडळातील सर्व शिक्षक, सहकारी आरती कोरडकर व अरुण पगारे, खाजगी-अनुदानित शाळेतील सर्व शिक्षक, शाळा व्यवस्थापन समिती अध्यक्षा अर्चना वाहुळकर,पालक,विद्यार्थी यांनी अभिनंदन केले आहे.
