कोपरगाव प्रतिनिधी
कोपरगाव तालुक्याचा शैक्षणिक नांवलौकीक वाढविण्यात संजीवनी उद्योग समुहाचे अध्यक्ष बिपीन कोल्हे यांचा सिंहाचा वाटा असून गेल्या अनेक वर्षांपासुन ते आपल्या वाढदिवशी हार तुरे शाल स्वीकारत नाहीत त्याऐवजी ते गरीब होतकरू, हुशार व गुणवंत विद्यार्थ्यांना मोफत वहयांचे वाटप करून सामाजिक बांधिलकी जपत असल्याचे प्रतिपादन सहकार महर्षी शंकरराव कोल्हे सहकारी साखर कारखान्याचे संचालक ज्ञानेश्वर होन यांनी केले.
तालुक्यातील जिल्हा परिषदेच्या चांदेकसारे येथील प्राथमिक शाळेतील मुला मुलींना नुकतेच बिपिन कोल्हे यांच्या वाढदिवसाचे औचित्य साधून मोफत वह्यांचे वाटप करण्यांत आले त्याप्रसंगी ते अध्यक्षपदावरून बोलत होते.
यावेळी प्रमुख पाहुणे म्हणून डॉ गोरक्षनाथ रोकडे उपस्थित होते.
डॉ रोकडे आपल्या मनोगतात बोलताना म्हणाले की, शैक्षणिक क्षेत्रातील कार्यक्रमासाठी सर्वांनी आवर्जून उपस्थिती देणे गरजेचे असते राजकीय जोडे बाजूला ठेवून अशा कार्यक्रमात भाग घ्यायला पाहिजे लोकप्रिय समाजसेवकांच्या वाढदिवसानिमित्त होणारे हे कार्यक्रम मुलांच्या उज्वल भविष्यासाठी प्रेरणादायी आहेत देश हा धर्मावर चालत नसून संविधानावर चालतो जिल्हा परिषद शाळेतील विद्यार्थी हे समाजातील विविध क्षेत्रात अष्टपैलू म्हणून चमकणार आहेत या ठिकाणी सर्व गुण संपन्न असा विद्यार्थी घडला जातो. मुलांनो तुम्ही नशीबवान आहात बूट कपडे उच्च प्रतीचे शिक्षण व तुम्हाला शासनाकडून बऱ्याच सुविधा उपलब्ध आहेत. डॉ. बाबासाहेब आंबेडकरांना शाळेच्या बाहेर बसून शिक्षण घ्यावे लागले होते उज्वल भविष्य हे तुमच्या हातात आहे. वाढदिवसाच्या निमित्ताने मोफत वह्या पुस्तकाचे वाटप ग्रामीण भागातील विद्यार्थ्यांच्या शैक्षणिक प्रगतीसाठी प्रेरणादायी गोष्ट असल्याचे सांगून विद्यार्थ्यांना अनेक मूलभूत प्रश्न विचारून प्रश्नमंजुषा घेतल्यामुळे विद्यार्थ्यांमध्ये एक वेगळा उत्साह निर्माण झाला होता. तसेच शालेय पोषण आहाराची चव घेऊन त्याविषयी माहिती जाणून घेतली.
यावेळी माजी सरपंच पूनम खरात, संजय कानडे, सोमनाथ होन, विलास होन, महेंद्र होन, दशरथ आल्हाट, डीजी शेख, शिवाजी होन, मुख्याध्यापक युनूस सय्यद, पत्रकार किसन पवार, शिक्षक वाल्मिक खंडीझोड, सिताराम गुरसळ, अर्चना शहाणे, किरण गायकवाड, गायत्री बुरकुले आदी सह ग्रामस्थ उपस्थित होते.
सूत्रसंचालन व आभार सिताराम गुरसळ यांनी मानले.
