जेऊर कुंभारी वार्ताहर
सहकार महर्षी शंकरराव कोल्हे सहकारी कारखान्याचे तसेच संजीवनी उद्योग समूहाचे अध्यक्ष बिपिन दादा कोल्हे यांच्या वाढदिवसानिमित्त आज दि.३० जून रोजी जेऊर कुंभारी गावठाण
शाळेत मोफत वह्यांचे वाटप करण्यात आले.
यावेळी महर्षी शंकरराव कोल्हे कारखान्याचे संचालक सतिषराव आव्हाड,संचालक बाळासाहेब वक्ते, माजी सभापती शिवाजी वक्ते,
माजी संचालक मधुकर वक्ते, माजी सरपंच विठ्ठलराव आव्हाड, माजी सरपंच रमेश वक्ते ,माजी ग्रामपंचायत सदस्य भाऊसाहेब वक्ते,सतिष वक्ते, संदेश भोंगळे, बाळासाहेब पवार,सतिष पवार
शाळेचे मुख्याध्यापिक रमेश गुरसळ ,पर्वत मॅडम आदी उपस्थित होते. शिक्षणाचे महत्त्व सर्वांना कळावे
या उद्देशाने आदरणीय बिपिन दादा कोल्हे दरवर्षी २१ जून रोजी आपल्या वाढदिवसाच्या दिवशी कोणत्याही प्रकारचे हार – तुरे न स्विकारता संपूर्ण तालुक्यातील गरजू व गुणवंत विद्यार्थ्याना प्रत्येक शाळेत वह्यांचे वाटप करत असतात.शाळेमध्ये सर्व सुविधा मिळत असून आता विद्यार्थ्यांनी फक्त शिक्षणाकडे लक्ष दिले पाहिजे.असे प्रतिपादन संजीवनी सहकारी साखर कारखान्याचे संचालक बाळासाहेब वक्ते यांनी केले.तसेच जेऊर कुंभारी गावाच्या वतीने आदरणीय बिपीन दादा कोल्हे यांना वाढदिवसाच्या शुभेच्छा दिल्या.
या वेळी नव्याने रूजू झालेले रमेश गुरसळ सर यांनी शाळेच्या प्रगतीविषयी लेखाजोखा मांडला.
तसेच सर्व विद्यार्थ्याना मोफत वह्या दिल्याबद्दल आदरणीय बिपिन दादा कोल्हे यांचे आभार मानून वाढदिवसाच्या शुभेच्छा दिल्या. कार्यक्रमाचे सूत्रसंचालन भाऊसाहेब वक्ते यांनी केले व आभार माजी सभापती शिवाजी वक्ते यांनी मानले.
