कोपरगाव प्रतिनिधी
कोपरगाव तालुक्यातील चांदेकसारे परिसरात भुरट्या चोरांचे प्रमाण वाढले असून शेतकऱ्यांच्या शेतातील विद्युत मोटारी नंतर आता त्यांनी थेट शेतकऱ्यांच्या ट्रॅक्टरच्या बॅटऱ्या चोऱ्या करण्यास सुरुवात आहे. त्यामुळे अडचणीत असलेला शेतकरी या चोरट्यांच्या प्रतापामुळे संकटात सापडला आहे. कोपरगाव पोलीस स्टेशनने या परिसरातील घटनेचे गांभीर्य लक्षात घेत या चोरांचा बंदोबस्त करावा अशी मागणी चांदेकसारे येथील राजेंद्र होन यांनी केली आहे.काल दिनांक २२जून रोजी
चांदेकसारे परिसातील
मारुती मंदिराच्या बाजूला राहत असलेले राजेंद्र पोपट होन यांनी घरासमोर लावलेल्या त्यांच्या मालकीच्या स्वराज ७२५ या ट्रॅक्टरची सोनी एक्साइड कंपनीची ८०००रुपये किमतीची बॅटरी चोरट्यानी चोरली तर रोहन नानासाहेब गुरसळ यांच्या परिसरात आपल्या ट्रॅक्टरचे काम सुरू असल्याने आपला ट्रॅक्टर राजेंद्र होन यांच्या घरासमोर लावलेला होता त्या स्वराज ७४४ट्रॅक्टरची सात हजार रुपये किमतीची बॅटरी चोरट्यांनी चोरली केली.तर घारी येथील अब्बास पठाण यांच्या ट्रॅक्टरची बॅटरीही चोरटे घेऊन पसार झाले.ही घटना साधारण पहाटे दोन वाजता घडली असल्याचे राजेंद्र होन यांनी सांगितले. सकाळी ट्रॅक्टर्स चालू करण्यासाठी ते पुतण्या सचिन होन यांच्यासोबत गेले असता झालेला प्रकार त्यांच्या लक्षात आला.रात्रीच्या वेळी गावात अनोळखी वाहने व इतर कोणी आले का याची चौकशी त्यांनी केली. बँक ऑफ इंडिया च्या रस्त्याला व्यापारी सुभाष लांडगे यांच्या सीसीटीव्हीमध्ये स्प्लेंडर गाडीवर चोरटे जात असल्याचे सीसीटीव्ही फुटेज मध्ये सदर दुचाकीला नंबर प्लेट नसल्याचे फुटेज मध्ये जाणवते आहे. कोपरगाव पोलीस स्टेशनने या चोरट्यांचा बंदोबस्त करावा अशी मागणी राजेंद्र होन यांनी केली.
