कोपरगाव प्रतिनीधी
राष्टीय ग्रामीण व शहरी संगणक साक्षरता मिशन या आतंरराष्ट्रीय संस्थेतर्फे कोपरगाव येथील ओम साई ग्रामीण शिक्षण संस्थेचे संस्थापक अध्यक्ष परशराम रामनाथ साबळे यांचा नुकताच आतंरराष्ट्रीय ग्लोबल एज्युकेशन एक्सलन्स अवॉर्ड २०२३ ने सन्मानित करण्यात आले असून यामुळे साबळे यांच्या रूपाने नक्कीच कोपरगावच्या शिरपेचात मानाचा तुरा रोवला गेला आहे.नेहमीच सामाजिक कार्यात अग्रेसर असणारे परंतु घरची परिस्थिती हलकीची असताना देखील आपल्या स्वतःच्या जिद्दीवरून हिमतीवर छोटा-मोठा काम धंदा करत आपले शिक्षण पूर्ण करत २००५ साली समाजातील गोरगरीब कुटुंबातील मुला मुलींना उच्च प्रतीचे व्यावसायिक शिक्षण मिळावे या उद्देशाने कोपरगावात ओम साई ग्रामीण शिक्षण संस्थेची स्थापना करत भारत सरकार व महाराष्ट्र शासनाची मान्यता घेत अनेक छोटे-मोठे व्यवसायिक अभ्यासक्रम सुरू करत अनेक मुला मुलींना स्वतःच्या पायावर उभे करण्यासाठी शिक्षणासोबतच मानसिक पाठबळ देत अनेक मुला-मुलींची भवितव्य उज्वल केले असून आज रोजी संस्थेचे हजारों विद्यार्थी उच्च पदावर कार्यरत असून अनेकांनी स्वतःचा व्यवसाय देखील सुरू केला आहे तर अनेक विद्यार्थी परदेशात नोकरीस आहे तसेच ग्रामीण भागातील विद्यार्थ्यांना देखील इंग्रजी भाषेचे ज्ञान मिळावे या उद्देशाने तालुक्यातील कासली येथे स्थापन केलेल्या इंग्रजी माध्यमाच्या शाळेतून देखील अनेक गोरगरीब कुटुंबातील मुला-मुलींना उच्च प्रतीचे शिक्षण अत्यंत माफक फी मध्ये मिळत आहे. तसेच कोरोना सारख्या जागतिक महामारीत देखील साबळे यांनी आपल्या संस्थेच्या माध्यमातून अनेक सामाजिक उपक्रम राबवत कोरोना जनजागृती करत कोरोना प्रतिबंधात्मक लसीकरणासाठी नागरिकांना प्रोत्साहीत केले त्यासोबतच कोरोनामध्ये अनेक गरजूना मास्क व सॅनिटायझरचे वाटप केले. सामान्य कुटुंबातील साबळे यांना या आदी देखील आपल्या सामाजिक कार्याच्या माध्यमातून अनेक राज्यस्तरीय पुरस्काराने गौरवण्यात आले आहे.याच त्यांचा बहुमूल्य कार्याची दखल घेत देशाच्या राजधानीत नवी दिल्ली येथे शनिवार दि २७ मे रोजी इंडिया इंटरनॅशनल सेंटर मध्ये झालेल्या दिमाखदार सोहळ्यात नवी दिल्ली येथील सुप्रीम कोर्ट चे प्रसिध्द वकील रुद्रा सिंग,प्रसिद्ध शास्रज्ञ डॉ पूनम कुमारी, नेपाळ या देशातील प्रसिद्ध चित्रपट अभिनेत्री नितु कोईराला, बॉलिवूड गायिका चक्रबोर्टी, डॉ शूलपानी सिंग, आदी प्रमुख मान्यवरासह राष्टीय ग्रामीण व शहरी संगणक साक्षरता मिशन या आतंरराष्ट्रीय संस्थेचे चेअरमन व पदाधिकाऱ्यांच्या प्रमुख उपस्थितीत अहमदनगर जिल्ह्यातील एकमेव शैक्षणिक संस्थेचे संस्थापक अध्यक्ष परशराम साबळे यांना आतंरराष्ट्रीय ग्लोबल एज्युकेशन एक्सलन्स अवॉर्ड २०२३ ने सन्मानित करण्यात आले .
