कोपरगाव प्रतिनिधी
कोपरगाव तालुक्यातील सहजानंदनगर येथे केंद्रस्तरीय शाळा पुर्वतयारी प्रशिक्षण उत्साहात पार पडले. प्राचार्य भगवान खारके, जिल्हा समन्वयक बाबु कांबळे व शिक्षणाधिकारी (प्राथमिक) भास्कर पाटील यांच्या मार्गदर्शनाखाली सुरु झालेल्या या प्रशिक्षणाचे उदघाटन जि.प.कोपरगाव स्टेशन येथे शबाना शेख यांच्या हस्ते झाले. त्यानी प्रशिक्षणासंबधी सविस्तर मार्गदर्शन केले.
या प्रशिक्षणात केंद्रातील प्रत्येक शाळेतील ५०% शिक्षक दिनांक २०/०४/२०२३ व दिनांक २१/०४/२०२३ रोजी उर्वरीत ५०% शिक्षक याप्रमाणे प्रशिक्षणाचे नियोजन करण्यात आले होते. या दोन दिवसीय प्रशिक्षणात प्रशिक्षण समन्वयक विवेक सोनवणे व संजय दहिफळे विषयसाधनव्यक्ती यांनी प्रबोधन केले. राष्ट्रीय शैक्षणिक धोरण २०२० नुसार जुन २०२३ मध्ये इयत्ता पहिलीत दाखल होणाऱ्या विदयार्थ्याची शाळापुर्व तयारी कशी करून घ्यावी याबददल मार्गदर्शन करण्यात आले . या प्रशिक्षणात सात क्षेत्रांवर सात टेबलावर विवीध शैक्षणिक साहित्य मांडणी करुन मुलांना व त्यांच्या मातांना सहभागी करुन घेतले जाणार आहे. जवळपास दोन महीने हा उपक्रम सुरु राहणार आहे. यासाठी महाराष्ट्र शासन व प्रथम संस्थेने दर्जेदार साहित्य पुरविले आहे. कृतीपुस्तीकेतील कृती आनंददायक आहेत. पालकांनी • सर्व कृती मुलांकडुन करुन घ्याव्यात असे आवाहन सुलभक सुरेश बर्वे व मोहन रासकर यांनी केले. सर्व शिक्षक प्रशिक्षणार्थ्यानी उत्स्फुर्तपणे सहभागी होउन अतिशय दर्जेदार मांडणी करुन सादरीकरण केले. या सर्व उपक्रमात प्रत्यक्ष बालविकास प्रकल्प अधिकारी अंगणवाडी कार्यकर्ती व सेविका यांचाही फार महत्वाचा सहभाग यावेळी घेण्यात आला आहे.
