कोपरगाव प्रतिनिधी
तालुका आरोग्य अधिकारी डॉ.विकास घोलप यांच्या संकल्पनेतून दि.११ एप्रिल रोजी आत्मा मलिक इंटरनॅशनल स्कूल येथील सभागृहात आरोग्य विभागातल्या विविध पदांवर कार्यरत असणाऱ्या कर्मचाऱ्यांचा कौतुक सोहळा संपन्न झाला.
या कार्यक्रमास प्रमुख पाहुणे म्हणून गटविकास अधिकारी सचिन सूर्यवंशी तसेच कोपरगाव नगरपरिषदेचे मुख्य कार्यकारी अधिकारी शांताराम गोसावी उपस्थित होते.
यावेळी आरोग्य विभागात कार्यरत असणारे आशा सेविका, गटप्रवर्तक,आरोग्य सेवक,आरोग्य सेविका,आरोग्य सहाय्यक (पुरुष),आरोग्य सहाय्यक (स्त्री), लॅब टेक्निशियन,फार्मसिस्ट, समुदाय आरोग्य अधिकारी, वैद्यकीय आरोग्य अधिकारी यासह कोपरगाव तालुका आरोग्य विभाग कार्यारत असणारे सर्वच कर्मचारी वआधिकारी सोहळ्यास उपस्थित होते तालुकास्तरावर काम करणाऱ्या वरील सर्व कर्मचारी,अधिकाऱ्यांना त्यांनी केलेल्या कामाच्या निर्देशांका नुसार आढावा घेत प्रत्येक कॅडरसाठी तीन पारितोषिके देण्यात आली.
यावेळी तालुका आरोग्य अधिकारी डॉ.विकास घोलप यांनी मागील वर्षाचा कामाचा लेखाजोखा तसे पुढील वर्षांत आरोग्य विभागातर्फे राबविण्यात येणाऱ्या योजनांची विस्तृतपणे माहीती दिली.
मुख्य कार्यकारी अधिकारी शांताराम गोसावी यांनी कोरोना काळातील आरोग्य कर्मचारी तसेच आशा सेविकांच्या कार्याचा गौरवपूर्ण उल्लेख केला
याप्रसंगी गटविकास अधिकारी सचिन सुर्यवंशी यांनी आरोग्य कर्मचारी तसेच आशा सेविकांच्या विविध प्रश्नांवर चर्चा करून संबंधित प्रश्न युद्ध पातळीवर सोडवण्याचे आश्वासन देण्यात दिले.
कार्यक्रमाचे सूत्रसंचालन प्रसन्ना धुमाळ यांनी केले.
