जेऊर कुंभारी वार्ताहर
आ.आशुतोष काळे यांच्या नेतृत्वाखाली नुकत्याच पार पडलेल्या गौतम बँकेच्या संचालक मंडळाच्या पंचवार्षिक निवडणुकीत सोनेवाडी येथील बापूराव दगुराव जावळे यांची संचालक पदी बिनविरोध निवड झाल्याबद्दल सोनेवाडी ग्रामपंचायतचे वतीने निरंजन गुडघे यांच्या हस्ते त्यांचा सत्कार करण्यात आला.
यावेळी उपसरपंच संजय गुडघे, निरंजन गुडघे, तंटामुक्त समितीचे अध्यक्ष राजेंद्र गुडघे,शिवाजी जावळे, निरंजन जावळे, आबासाहेब जावळे,चिलू जावळे, हेमराज जावळे ,के के जावळे, आबासाहेब दहे, नाना माळी, प्रभाकर जावळे, परसराम जावळे, विनायक चव्हाण, श्री गव्हाणे, भाऊसाहेब खरे ,सिताराम गांगुर्डे,संतु दहे अदी उपस्थित होते.
यावेळी शिवाजी जावळे यांनी सांगितले की माजी आ.अशोक दादा काळे व स्वर्गीय दगूराव जावळे यांचे मैत्रीपूर्ण संबंध होते.काळे परिवाराने त्यांनाही गौतम बँकेत काम करण्यासाठी जवळपास पंचवीस वर्षे संधी दिली होती. त्यांच्या अकाली निधनाने सोनेवाडी परिसरातील त्यांना मानणारा वर्ग सुन्न झाला होता मात्र पुन्हा आ.आशुतोष काळे यांचे खंदे समर्थक बापूराव जावळे यांच्या रूपाने राजकारणात सक्रिय झाले.
काळे कुटुंबाने त्यांना गौतम बँकेच्या संचालक पदी बिनविरोध संधी दिल्याने कार्यकर्त्यांमध्ये उत्साह निर्माण झाला असे त्यांनी यावेळी सांगितले तर सत्काराला उत्तर देताना बापूराव जावळे यांनी काळे कुटुंबाने आपल्याला दिलेल्या संधीचे आपण नक्की सोने करून व प्रामाणिकपणाने काम करू ग्रामपंचायतीने केलेला सन्मान सत्कार हा माझ्यासाठी ऊर्जा देणारा ठरेल असे त्यांनी सांगितले.
शेवटी उपसरपंच संजय गुडघे यांनी आभार मानले.
