कोपरगाव प्रतिनिधी
कोपरगाव तालुक्यातील सहकारी पतसंस्था क्षेत्रात अग्रगण्य समजल्या जाणा-या पद्मविभुषण डॉ.शरदचंद्रजी पवार नागरी सहकारी पतसंस्थेला २०२२-२३ या चालू आर्थिक वर्षात ८१ लाख १५ हजार निव्वळ नफा झाला असल्याची माहिती संस्थेचे चेअरमन देवेन रोहमारे यांनी दिली आहे.माजी खासदार कर्मवीर काळे साहेबांनी सुरु केलेली हि पतसंस्था साहेबांच्या आदर्श विचारांच्या तत्वावर प्रगतीच्या शिखराकडे झेप घेत आहे. आज रोजी संस्थेकडे भाग भांडवल ८३ लाख ६६ हजार ६७५ रुपये आहेत ३६ कोटी ५१ लाख २१ हजार रुपयांच्या ठेवी आहेत. संस्थेने ३१/०३/२०२३ अखेर २६ कोटी, ८४ लाख, ४३ हजार रुपयांचे कर्ज वाटप केलेले आहे. गुंतवणूक २२ कोटी ५९ लाख ४३ हजार इतकी असून राखीव निधी १० कोटी २२ लाख ३५ हजार आहे. सि. डी. रेशो ६२.८५ टक्के असून नेट एन.पी.ए. ० टक्के असून थकबाकी प्रमाण २.३९ टक्के राखले असून संस्थेला सातत्याने ऑडीट वर्ग ‘अ’ मिळत असल्याचे त्यांनी सांगितले आहे.संस्थेचे जेष्ठ मार्गदर्शक माजी आमदार अशोकराव काळे यांचे वेळोवेळी मिळणारे मार्गदर्शन आणि कर्मवीर शंकरराव काळे सहकारी साखर कारखान्याचे विद्यमान अध्यक्ष आ. आशुतोष काळे यांच्या नेतृत्वाखाली संस्था प्रगतीचे दिशेने वाटचाल करीत आहे. दरवर्षी संस्थेकडे असलेल्या ठेवींमध्ये सातत्याने होत असलेली वाढ यातून ठेवीदार,कर्जदार यांचा संस्थेवर दृढ विश्वास असल्याचे दिसून येत आहे.संस्थेने आजपर्यंत कर्मवीर शंकरराव काळे सहकारी साखर कारखाना व उद्योग समुहातील कर्मचारी तसेच कोपरगाव तालुक्यातील ग्रामीण भागातील छोटे-मोठे व्यावसायिकांना स्वत:चे छोटे-मोठे व्यवसाय सुरु करण्यासाठी भांडवल उपलब्ध करून दिले असून सभासदांचे आणि कर्जदारांचे हित लक्षात घेवूनच संस्थेचे कर्मचारी काम करीत आहेत. व यापुढे देखील सर्व संचालक मंडळ माजी आमदार अशोकराव काळे यांच्या मार्गदर्शनाखाली व आ. आशुतोष काळे यांच्या नेतृत्वाखाली हि परंपरा यापुढेही अशीच सुरु ठेवणार असल्याचे संस्थेचे चेअरमन देवेन रोहमारे यांनी सांगितले आहे.
