जेऊर कुंभारी वार्ताहर
कोपरगाव तालुक्यातील चांदेकसारे येथील बाल भैरवनाथ माता जोगेश्वरी यांची पाच दिवसाची यात्रा उत्साहात संपन्न झाली
चांदेकसारे पंचक्रोशी सह संपूर्ण जिल्हातुन भाविकांनी बालभैरवनाथ व जोगेश्वरी मातेच्या दर्शनासाठी मोठी गर्दी केली होती,
उत्सवाच्या पहील्या दिवशी चांदेकसारे गावामधून बाल भैरवनाथ व माता जोगेश्वरीच्या मुखवट्याची मिरवणूक काढण्यात आली. सकाळी पुरोहित विनोद जोशी व उमेश जोशी यांच्या हस्ते मंत्र उपचाराने बाल भैरवनाथ व माता जोगेश्वरीला गंगा स्नान घालत अभिषेक करण्यात आला.
रात्री लेजर शो व शोभेची दारू उडवण्यात आली. त्याबरोबर तुकाराम खेडकर यांचा लोकनाटय तमाशाचा फड रंगला
दुसऱ्या दिवशी बुधवारी
मंदिर परिसरात विद्युत रोषणाई, व्यावसायिकांनी दुकाने थाटली होती.पाळण्यासह विविध करमणुकीची साधने होती.सालाबादप्रमाणे याही वर्षी कै. बाजीराव जयराम गुरसळ यांच्या स्मरणार्थ शेवटच्या कुस्तीचे बक्षीस रुपये पाच हजार रुपये पै संजय गुरसळ व चंद्रकांत गुरसळ यांच्या कडून देण्यात आले. होते यावेळी सरपंच किरण होन, उपसरपंच सचिन होन, चंद्रकांत गुरसळ,माजी
सरपंच केशवराव होन, जिल्हा खरेदी- विक्री संघाचे माजी अध्यक्ष जयद्रथ होन, काळे कारखान्याचे संचालक शंकरराव चव्हाण, आनंदराव चव्हाण, गोदावरी दूध संघाचे माजी उपाध्यक्ष सुभाष होन,
रोहिदास होन, भास्कर होन, कल्याणराव होन ,सुधाकर होन, सुनिल होन,सागर होन, नितीन होन दादासाहेब होन आदी उपस्थित होते यावेळी पंचायतन आश्रम ट्रस्ट भैरवनाथ जोगेश्वरी देवस्थानच्या वतीने मंदिरात चोख बंदोबस्त ठेवण्यात आला होता.
