कोपरगाव प्रतिनिधी
कोपरगांव तालुका काँग्रेस कमिटीच्या वतीने देशाचे नेते राहुलजी गांधी यांची खासदारकी रद्द केल्याच्या कारवाईच्या निषेदार्थ जय भारत सत्याग्रह सभा महात्मा गांधी स्मारक कोपरगाव येथे घेण्यात आली. यावेळी कोपरगाव तालुक्यातील काँग्रेस पक्षाचे कार्यकर्ते आणि महाविकास आघाडीचे पदाधिकारी मोठ्या संख्याने उपस्थित होते.
आजच्या कार्यक्रमाच्या सुरवातीला तालुकाअध्यक्ष आकाश नागरे यांनी लोकशाहीर अण्णाभाऊ साठे, डॉ. बाबासाहेब आंबेडकर, छत्रपती शिवाजी महाराज व महात्मा गांधी यांच्या पुतळ्यास पुष्पहार अर्पण केले. सर्व उपस्थितांनी आदरणीय राहुलजी गांधी यांच्या समर्थनार्थ घोषणा दिल्या आणि भाजप सरकारचा निषेद व्यक्त केला.
यावेळी महाराष्ट्र राज्य महिला आयोगाच्या सदस्य उत्कर्षाताई रुपवते, माजी नगराध्यक्ष पद्मकांतजी कुदळे, शिवसेनेचे प्रमोदजी लभडे, शिवाजी ठाकरे, भरतजी मोरे, सनीजी वाघ आणि इतर पदाधिकारी व कार्यकर्ते मोठ्या संख्याने उपस्थित होते.
