जेऊर कुंभारी वार्ताहर
कोपरगाव तालुक्यात जेऊर कुंभारी येथील जि.प.प्राथमिक शाळा गिरमेवस्ती शाळेत गटशिक्षणाधिकारी शबाना शेख यांच्या मार्गदर्शनाखाली सुप्रसिद्ध लेखिका, अभिनेत्री, चित्रकार श्रीम. अंजलीताई अत्रे यांनी लेखिका आपल्या भेटीला या त्यांच्या उपक्रमांतर्गत गिरमेवस्ती शाळेस भेट दिली त्यांना पाहून विद्यार्थ्यांचा आनंद गगनात मावेनासा झाला. विद्यार्थी व शिक्षकांनी उत्साहाने त्यांचे स्वागत केले.अंजली ताईंनी विद्यार्थ्यांशी हितगुज केले व मिठाचा शोध ही कथा सांगून विद्यार्थ्यांच्या प्रश्नांना उत्तरे दिली.’आपण आपले छंद जोपासायला हवेत तसेच नवनवीन गोष्टी आत्मसात कराव्यात ‘असे त्यांनी मनोगतातून सांगितले. तसेच माझे प्रगतीपुस्तक हा उपक्रम मुलांनी राबवण्यासाठी मुलांना प्रोत्साहित केले. यावेळी महर्षी शंकरराव कोल्हे कारखान्याचे संचालक बाळासाहेब वक्ते यांनी या अनोख्या उपक्रमाचे कौतुक केले. तसेच मुलांनी आपले छंद लहान वयातच जोपासून ते पूर्ण करण्यासाठी आता पासून प्रयत्न करण्याची गरज आहे. अनुज ढुमणे यांनी अंजली ताईंचे फलकावर हुबेहूब रेखाटलेले चित्राचे अंजलीताईंनी कौतुक केले.कार्यक्रमाचे सूत्रसंचालन सुदाम साळुंके यांनी केले.आभार मुख्याध्यापिका प्रियंका जोशी यांनी मानले.
या प्रसंगी महर्षी शंकरराव कोल्हे कारखान्याचे संचालक बाळासाहेब वक्ते, मुख्याध्यापिका प्रियंका जोशी, सुदाम साळुंके, अनुज ढुमणे, नवनाथ सूर्यवंशी व पालक उपस्थित होते.
