जेऊर कुंभारी वार्ताहर
प्राचीन काळापासून चालत आलेली बाळ भैरवनाथाचा कौल / कोईक परंपरा कायम ठेवत कोपरगाव तालुक्यातील चांदेकसारे येथील जागृत देवस्थान म्हणून ओळख असलेल्या बाळ भैरवनाथ व जोगेश्वरी मातेने यावर्षी महाराष्ट्रात चांगल्या प्रकारे पाऊस पडून अन्नधान्य मुबलक पिकले जाईल व लग्न विधी मोठ्या प्रमाणात पार पडतील असा कौल (कोईक) दिलेला आहे.
चांदेकसारे येथील ग्रामदैवत बाळ भैरवनाथ व जोगेश्वरी मंदिरात गुढीपाडव्याच्या दिवशी येणाऱ्या पावसाळ्यात पर्जन्यमान कसे राहील याविषयीचा ठोकताळा पाहण्याची परंपरा आहे.
चालू वर्षी पाऊस चांगला असून अन्नधान्य मोठ्या प्रमाणावर पीकणार आहे तसेच लग्नकार्याचे विधीही मोठ्या प्रमाणावर पार पडतील असे पंचांग वाचनात पुरोहितांनी सांगितले. मंगळवार दि.४ एप्रिल रोजी यात्रा उत्सव तर बुधवार दि.५ एप्रिल रोजी जत्रा होणार आहे. चालू वर्षाची यात्रा कसारे गावकरी मंडळीकडे आली असून त्यांना चांदे गावकरी मंडळी सहकार्य करणार आहे. यात्रा शांततेत पार पडावी यासाठी सर्वांनी सहकार्य करावे असे आवाहनही केले. यावेळी सहकार महर्षी शंकरराव कोल्हे कारखान्याचे संचालक ज्ञानेश्वर होन, कर्मवीर शंकरराव काळे कारखान्याचे संचालक शंकर चव्हाण, कर्मवीर काळे कारखान्याचे माजी उपाध्यक्ष आनंदराव चव्हाण, सरपंच किरण होन, उपसरपंच सचिन होन, कोपरगाव तालुका एज्युकेशन सोसायटीचे सदस्य रोहिदास होन, नामदेवराव परजणे पाटील गोदावरी खोरे दूध संघाचे माजी उपाध्यक्ष सुभाष होन, माजी सरपंच केशव होन, उद्योगजक सुधाकर होन, जोगेश्वरी इंटरनॅशनल स्कूलचे संस्थापक सागर होन व सचिव सुनील होन, भिमाजी होन, विलास चव्हाण, भाऊसाहेब होन, पत्रकार किसनराव पवार अशोक होन, कांतीलाल होन, तसेच विविध संस्थांचे पदाधिकारी, आजी माजी सदस्य, श्रीराम पंचायतन आश्रम ट्रस्टचे अध्यक्ष, उपाध्यक्ष, सचिव, सदस्य तसेच नानासाहेब गवळी, जयंद्र होन,आप्पासाहेब वक्ते तसेच दातली ता. सिन्नर येथील पोलिस पाटील गणपत चांदोरे आदीसह चांदेकसारे, घारी, जेऊर कुंभारी, डाऊच, देर्डे, मढी, पोहेगाव, सोनेवाडी, हिंगणी, मूर्शतपूर व पंचक्रोशीतील ग्रामस्थ मोठ्या संख्येने उपस्थित होते.
