जेऊर कुंभारी वार्ताहर
जेऊर कुंभारी येथील विविध कार्यकारी सेवा सहकारी संस्था नूतन इमारतीचे गुढीपाडव्याच्या मुहूर्तावर भूमिपूजन संपन्न झाले.
याप्रसंगी महर्षी शंकराव कोल्हे सहकारी साखर कारखान्याचे मा.संचालक मधुकरराव वक्ते, जेऊरकुंभारी विविध कार्यकारी सोसायटीचे अध्यक्ष करण वक्ते, उपाध्यक्ष दादासाहेब चव्हाण, माजी चेअरमन कोंडीराम वक्ते, उद्योजक मिलनकुमार चव्हाण यांचे हस्ते नवीन कामाचा शुभारंभ करण्यात आला.
यावेळी महर्षी शंकरराव कोल्हे कारखान्याचे मा.संचालक मधुकर वक्ते यांनी संजीवनी उद्योग समूहाचे अध्यक्ष बिपिन कोल्हे, माजी आमदार स्नेहलता कोल्हे तसेच जिल्हा बँकेचे संचालक विवेक कोल्हे यांचे मार्गदर्शनाखाली शेतकऱ्यांच्या उन्नतीसाठी शासन स्तरावरील नवनवीन योजना राबवण्याचा मानस असल्याचे प्रतिपादन केले.
