जेऊर कुंभारी वार्ताहर
कोपरगाव तालुक्यातील डाऊच खुर्द येथील मा ग्रामपंचायत सदस्य शंकरराव गुरसळ यांची व डाउच बुद्रुक च्या मा सरपंच सौ कांताबाई दहे यांची कोपरगाव तालुका जिनींग अँड प्रेसिंग सोसायटीच्या संचालक पदावर नुकतीच बिनविरोध निवड झाल्याबद्दल
चांदेकसारे येथील सरपंच किरण होन, माजी सरपंच मतीन शेख, माजी उपसरपंच संजुभाऊ पाटील होन,जोगेश्वरी स्कूल चे अध्यक्ष सुनील होन, सुधाकर होन, सागर होन, नितीन होन, व दादासाहेब होन. दौलतराव गुरसळ अरुण खरात यांनी पुष्पगुच्छ देऊन सत्कार करण्यात आला २०२३ ते २०२८ या कालावधीसाठीच्या संचालक मंडळामध्ये शंकरराव गुरसळ यांची बिनविरोध निवड झाली आहे. ही बातमी समजताच डाऊच खुर्द येथील काळे गटाच्या कार्यकर्त्यांनी आनंदोत्सव साजरा केला आहे.
कर्मवीर शंकरराव काळे सहकारी साखर कारखाना व उद्योग समुहाचे संस्थापक कर्मवीर शंकररावजी काळे यांनी कापूस उत्पादक शेतकऱ्यांच्या कापसाला योग्य दर मिळावा यासाठी कोपरगाव येथे जिनींग अँड प्रेसिंग सोसायटीची स्थापन करून शेतकऱ्यांचे हित जोपासले.
या कापूस जिनींग अँड प्रेसिंग सोसायटीची संचालक मंडळाची पंचवार्षिक निवडणूक माजी आमदार अशोकराव काळे यांच्या मार्गदर्शनाखाली व आमदार आशुतोष काळे यांच्या नेतृत्वाखाली नुकतीच बिनविरोध पार पडली आहे.
गेल्या तीन पिढ्यांपासून काळे घराण्याशी आमचे घराणे एक निष्ठावंत कार्यकर्ते म्हणून नेहमी पाठीशी उभे आहे. आमच्या वर ही जबाबदारी देऊन पुन्हा एकदा आमच्याविषयी असलेला विश्वास या निमित्ताने सार्थ ठरवून संस्था सातत्याने प्रगतीपथावर घेवून जाण्यासाठी विश्वासाने दिलेली जबाबदारी पार पाडणार असल्याचे शंकरराव गुरसळ यांनी सांगितले आहे.
