कोपरगाव प्रतिनिधी
निष्काम कर्मयोगी जगदगुरू जनार्दन स्वामी (मौनगीरी )महाराज यांच्या कृपा आर्शिवादने.प.पू गोपलगिरी जी महाराज यांच्या पुण्याईने तसेच प.पू गुरूवर्यश्री श्री १o८ महंत राघवेश्वरानंद गिरी जी महाराज यांच्या प्रेरणेने शनिवार दि.२८ फेब्रुवारी रोजी श्री क्षेत्र राघवेश्वर देवस्थान कुंभारी येथे श्री साईबाबा मंदीर प्रथम वर्धापन दिन सोहळा, नर्मदा माता जयंती तसेच कन्या पुजन सोहळा अनेक संत महंताच्या उपस्थितीत मोठया उत्साहात साजरा झाला
या वर्धापन दिनानिमित्त हैद्राबाद येथील साईभक्त सौ.किर्ती गोपीकृष्णन,श्री.एस गोपीकृष्णन,
जी आदित्य कृष्णन,जी वैभव कृष्णन यांनी साईबाबा मुर्तीसाठी ७ लाख रुपये किमतीचे गोल्डब्रासचे सिंहासन दान केले आहे या अगोदर त्यांनी मंदीरासाठी ५ लाख रूपये किमतीची साईबाबांची मुर्ती दान केली आहे या दुसरे साईभक्त सौ.कल्पना आनंदजी यांनी मुर्तीसाठी चांदीचा टोप दान केला आहे
या सर्व साईभक्तांचे साईबाबा वर्धापनदिना निमित्त कुंभारी गावात आगमन झाले प्रथम एका छोटेखानी कार्यक्रमात कुंभारी ग्रामस्थांचे वतीने पाहुण्यांचा सत्कार करण्यात आला,लेझीम फटाक्यांची आतिषबाजी तसेच डि जे च्या तालावर वाजत गाजत मोठ्या थाटामाटात संपूर्ण गावात पाहुण्यांची मिरवणुक काढुन जंगी स्वागत करण्यात आले गावात जागोजागी पाहुण्यावर पुष्पसुमनांची वर्षाव करून स्वागतासाठी सुवासिनींनी अंगणात सडा टाकुन, वाटेच्या दोन्ही बाजुला रांगोळी काढली घरासमोर मिरवणुक येताच सुवासिनींनी पाहुण्यांचे आरती ओवाळुन औक्षण केले ग्रामस्थां बरोबर पाहुण्यांनाही गाण्याच्या तालावर ठेका धरण्याचा मोह आवरला नाही त्यानंतर राघवेश्वर मंदीरात भव्यदिव्य कार्यक्रमाचे आयोजन करण्यात आले या प्रसंगी प्रथम उपस्थित साधुसंतांचे पूजन तसेच पाहुण्यांचा सत्कार करण्यात आला.
गुरूवर्य शिवानंद गिरी जी महाराज व महंत राघवेश्वरानंद गिरी जी महाराज यांचे प्रवचन झाले.
यावेळी सौ.किर्ती गोपीकृष्णन यांनी कुंभारी वासियांनी केलेल्या पाहुणचाराने व स्वागताने भारावुन गेलो असुन साईबाबांनी सेवा करण्याची संधी दिली व या कामी सतिश निळकंठ यांचे सहकार्य लाभले तसेच केलेल्या सत्काराबद्दल राघवेश्वर देवस्थानचे महंत राघवेश्वरानंद गिरीज महाराज, तसेच कुंभारी ग्रामस्थांचे त्यांनी आभार
मानले
हा सोहळा यशस्वी करण्यासाठी सर्व कुंभारी ग्रामस्थ,युवावर्ग तसेच महीला वर्गांचे सहकार्य लाभले.
शेवटी महाआरती व महाप्रसादा ने कार्यक्रमाची सांगता झाली या सोहळ्यास कंभारी ग्रामस्थ, पंचक्रोशीतील भाविक मोठ्या संस्थेने उपस्थितीत होते.
