कोपरगाव प्रतिनिधी
कोपरगाव तालुक्यातील जेऊर कुंभारी गावात ग्रामपंचायतीच्या माध्यामातुन सुरू असलेली सर्व विकास कामे जनहितासाठी असुन कार्यालयाचे कामकाज हि पारदर्शक पध्दतीने सुरू आहे तसेच चौदाव्या व पंधराव्या आयोगातून विविध विकासकामे हाती घेतली असुन आगामी काळातही विकासासाठी कटिबद्ध असल्याचे प्रतिपादन जेऊर कुंभारी गावच्या सरपंच सुवर्णा पवार यांनी केले आहे.
जेऊर कुंभारी गावात १४व्या व १५व्या वित्त आयोगातुन जेऊर गावातील गांगुर्डे वस्ती या ठिकाणी रस्त्याचे खडीकरण व मुरमिकरण सुरू असुन या कामाची पाहणी आज सरपंच सुवर्णा पवार,उपसरपंच ताराचंद लकारे ,
ग्रामपंचायत सदस्य यशवंतराव आव्हाड,प्रदिप गायकवाड, किशोर वक्ते, जालिंदर चव्हाण,
अनिता वक्ते, वैशाली भोंगळे, गंगुबाई जाधव, धनश्री वक्ते, अनिता गायकवाड ग्रामविकास अधिकारी केबी रणछोड, लिपी आनंद बारसे, संगिता वक्ते
यांनी आज दि २५ जानेवारी रोजी पाहणी केली.
यावेळी गांगुर्डे वस्ती येथील नागरीकांना गेल्या अनेक वर्षापासून रस्त्याआभवी पावसाळ्यात ये जा करण्यासाठी मोठ्या प्रमाणावर कसरत करावी लागत होता रस्त्याचे मुरुमीकरण करून प्रश्न सोडविल्याबद्दल ग्रामपंचायत कार्यकारिणी चे व सरपंच सुवर्णा पवार यांचे नागरीकांनी आभार मानले आहे.
