कोपरगाव प्रतिनिधी
कोपरगाव तालुक्यातील श्रीमंत पवार सरकार संस्थानचे सोमेश्वर महादेव (कोपरगाव), महादेव देवस्थान (बेट), गंगेश्वर महादेव (जेऊर कुंभारी) येथे ग्रामदैवतांना भजण्याचा दिवस म्हणजे देव-दीपावली उत्सव साजरा करण्यात आला आहे.श्रीमंत पवार सरकार संस्थानचे सोमेश्वर महादेव (कोपरगाव), महादेव देवस्थान (बेट), गंगेश्वर महादेव (जेऊर कुंभारी) या तीनही देवस्थानत प्रभात समयी शिवलिंगास मंगलस्नान,रुद्र अभिषेक,आरती,नेवेद्य दाखवून पुजा संपन्न झाली आहे.
तीनही महादेव देवस्थानला फुले आणि आंब्याच्या पानांचे तोरण बांधण्यात आले होते.मंदिरासमोर आकर्षक रांगोळी साकारली होती.मंदिराचा गाभारा व मंदिर परिसर शेकडो दिव्यांनी उजळून निघाला होता.देव-दीपावली निमित्ताने सोमेश्वर महादेव देवस्थान येथे महंत प.पू.अरविंदजी महाराज,संत राघवेश्वरानंदगिरीजी महाराज यांची प्रमुख उपस्थिती होती.या संतांचे पाद्यपुजन करण्यात आले.सायंकाळी स्थानिक भाविकांचे उपस्थितीत महाआरती आयोजित करण्यात आली होती.यात शेकडो भाविकांनी सहभाग घेतला.आरतीनंतर भाविकांना प्रसाद(फराळ) वाटप करण्यात आला.
या प्रसंगी उपस्थित श्री क्षेत्र राघवेश्वर महादेव देवस्थानचे प.पू.संत राघवेश्वरानंदगिरीजी महाराज यांनी उपस्थितांना आशिर्वचन देतांना सोमेश्वर महादेव देवस्थानचे जिर्णोद्धार कार्यात शिवभक्तांनी सहभागी होण्याचे आवाहन केले.मार्गशीर्ष शुद्ध प्रतिपदेपासून शुद्ध षष्ठीपर्यंत चंपाषष्ठीचे घट बसतात.यालाच मार्तंडभैरव षड् रात्रोत्सव असे म्हटले जाते. मणी-मल्लासूर दैत्यांचा संहार करण्यापूर्वी श्रीशंकराने ‘मार्तंडभैरव’ अवतार धारण केला. या युद्धात विजयासाठी सप्तर्षींनी एक प्रतिष्ठान स्थापले व त्यावर ते रोज एक माळा वाढवली गेली. सरतेशेवटी शंकराचा विजय झाला. म्हणून देवांनी मार्तंडभैरवावर भंडारा उधळला, त्यावर चंपा फुलांची वृष्टी केली तो दिवस शुद्ध षष्ठीचा होता. म्हणून चंपाषष्ठीला घट उठतात, अशी कथा सांगितली जाते.खंडोबा कुलदैवत असलेल्या कुटुंबांमध्ये मार्गशीर्ष शुद्ध प्रतिपदा ते मार्गशीर्ष शुद्ध षष्ठीपर्यंत चंपाषष्ठीचे घट बसत असतात. चंपाषष्ठीला देवांची पूजा करून पुरणपोळी,खीर,रोडगा(बाजरीचे चांदके)भरीत याचा नैवेद्य दाखवतात व नंतर घट उठतात.सायंकाळी घरोघरी तळी भरली जाते.खोबरे व भंडारा उधळतात.त्या सहा दिवसांत मल्हारी माहात्म्य पठण केले जाते.
एका पौराणिक कथेनुसार, त्रिशंकूला राजर्षी विश्वामित्राने आपल्या सामर्थ्याने स्वर्गात नेले. सगळे देवता फार चिडले आणि त्यांनी त्रिशंकूला स्वर्गातून हाकलून दिले. यामुळे संतप्त झालेल्या विश्वामित्राने आपल्या सामर्थ्याने पृथ्वी आणि स्वर्गापासून मुक्त असे एक नवीन विश्व निर्माण करण्यास सुरू केले. संपूर्ण सृष्टी यामुळे हादरली. सर्वत्र गोंधळ व्हायला लागला. या गोंधळलेल्या सर्व देवांनी राजर्षी विश्वामित्र यांना विनवणी केली. महर्षी प्रसन्न झाले. नवीन विश्व निर्माण करण्याचे संकल्प त्यांनी मागे घेतला. सर्व देव आणि ऋषीमुनी आनंदी झाले पृथ्वी, पाताळ, स्वर्गात सर्व जागी दिवाळी साजरी केली गेली. ही घटना पुढे देव दिवाळी म्हणून साजरी केली जाऊ लागली, असे सांगितले जाते.श्रीमंत महामहीम पवार सरकार संस्थानचे सोमेश्वर महादेव (कोपरगाव), महादेव देवस्थान (बेट), गंगेश्वर महादेव (जेऊर कुंभारी) या देवस्थानचे प्रमुख श्री.महेंद्रजी (बाळासाहेब) पाटील, मुख्य कार्यकारी अधिकारी श्री.सुशांतजी घोडके यांचे मार्गदर्शनाखाली पौरोहित्य श्री.प्रविणशास्री मुळे, श्री.प्रदिपशास्री पदे, श्री.प्रशांतस्वामी जंगम, श्री.शामस्वामी जंगम,श्री.नंदुजी शेंडे (गुरव), श्री.विजयजी(खंडू) वाघमारे (गुरव) यांनी पौरोहित्य केले.प्रभात पुजेचे मानकरी महादेव देवस्थान बेट येथे सौ.व श्री.कैलासराव आव्हाड, सोमेश्वर महादेव देवस्थान येथे सौ.व श्री.दत्ताजी काले,सौ.व श्री.संतोषजी भट्टड,सौ.व श्री.कृष्णाजी विसपुते,गंगेश्वर महादेव देवस्थानचे येथे व्यवस्थापक सौ.गितांजलीताई व श्री.चंद्रकांतजी जोर्वेकर हे यजमान म्हणून उपस्थित होते.
कार्यक्रमाचे यशस्वीतेसाठी सोमेश्वर महादेव देवस्थान व्यवस्थापक मंडळाचे श्री.नारायणशेठ अग्रवाल,श्री.महावीरशेठ शिंगी,श्री.जयंतजी विसपुते, श्री.मनोजजी शिंदे,श्री.मनोजजी कपोते,श्री.निलेशजी उदावंत,श्री.संतोषजी डागा,श्री.सोमनाथजी वडनेरे,महादेव देवस्थान-बेट चे व्यवस्थापक अॅड.शामजी मुंदडा,श्री.मच्छिंद्रजी सोनवणे, श्री.नाईकवाडे,सौ.लताताई मुंदडा,सौ.मोरे,गंगेश्वर महादेव देवस्थानचे श्री.पाटीलबा वक्ते, श्री.चंद्रकांतजी जोर्वेकर,श्री.गुरसळ,श्री.काळभैरवनाथ देवस्थानचे श्री.बालाजी आंबोरे यांचे सह भक्तांचा सहभागी लाभला.उपस्थित ज्येष्ठ भाविकांनी समाधान व्यक्त केले.श्रीमंत महामहीम पवार सरकार संस्थानचे महादेव देवस्थान वतीने परंपरागत धार्मिक प्रथा आणि परंपरा जपण्यासाठी अनेक वर्षांनंतर केलेला प्रयत्न हा “कल युगापासून सत युगाचा” सुखदायी अनुभव देणारा असल्याचे भाविकांनी सांगितले.
