कोपरगाव प्रतिनिधी
आज दिनांक २८ सप्टेंबर २०२२ रोजी जागतिक कर्णबधिर दिनानिमित्त लायन्स मूकबधिर विद्यालयाच्या वतीने कोपरगाव शहरात जन जागृती फेरीचे आयोजन करुन शहरवासीयांमध्ये कर्णबधिर विद्यार्थ्यां बद्दल जन जागृती केली .महात्मा गांधीजीच्या पुतळ्याला हार घालुन रॅलीला सुरुवात करण्यात आली .सदर प्रसंगी प्रमुख पाहुणे म्हणून कोपरगावातील प्रसिद्ध विधीज्ञ माननीय अॅव्हकेट श्री. मनोहर येवले साहेब ,माजी नगरसेवक श्री.अनिल आव्हाड, विद्यालयाचे विश्वस्त मा.श्री.संदीपजी रोहमारे ,विद्यालय स्कूल कमिटीचे अध्यक्ष मा. ला.श्री.सुधीरजी डागा, विद्यालयाचे मुख्याध्यापक श्री. बी. एन. गुरसळ सर, शिक्षक व शिक्षकेतर कर्मचारी तसेच विद्यार्थी उपस्थित होते .प्रमुख पाहुणे अॅव्ह.श्री.येवले साहेब याचे हस्ते महात्मा गांधींजीच्या पुतळ्याला पुष्पहारअर्पण करण्यात आला .त्या वेळी आपले मनोगत व्यक्त करताना ॲड. येवले साहेब यांनी कोपरगाव शहरातील मूकबधिर व अपंग विद्यालय हे एक कोपरगावचे भूषण आहे . ऐकू आणि बोलता येत नाही अशा विद्यार्थ्यांना समाजाच्या मुख्य प्रवाहामध्ये आणण्याचे काम सदर विद्यालय करीत आहे .यामध्ये संस्थेचे पदाधिकारी व शिक्षक फार मोठी भूमिका बजावत आहे. कर्णबधीरांच्या न्यायालयीन कामकाजामध्ये आम्हाला या विद्यालयातील शिक्षकाकडून फार मोलाची मदत होते . त्यांच्या मदतीने अनेक खटले आम्ही पूर्ण करू शकलो .असे गौरवोद्गार त्यांनी काढले. या विद्यालयाच्या प्रगतीमध्ये विद्यालयाचे अध्यक्ष अशोकराव रोहमारे साहेब, व सचिव ॲड.संजीव कुलकर्णी साहेब यांचा मोलाचा वाटा आहे. माजी नगरसेवक श्री अनिल आव्हाड यांनी या फेरीसाठी कर्णबधिर विद्यार्थ्यांना खूप खूप शुभेच्छा दिल्या ,तसेच स्कूल कमिटीचे अध्यक्ष सुधीरजी डागा यांनी उपस्थीत मान्यवरांचे व फेरीत खाऊ वाटप करणाऱ्या देणगीदारांचे आभार मानले . सदर फेरी महात्मा गांधी पुतळ्याजवळून सुरुवात होऊन कापड बाजार ,सोनार गल्ली ,शिवाजी रोड, छत्रपती शिवाजी महाराज उद्यान, मेन रोड, येथून डॉक्टर बाबासाहेब आंबेडकर स्मारक येथे येऊन भारतीय राज्यघटनेचे शिल्पकार महामानव डाॅ. बाबासाहेब आंबेडकर यांच्या पुतळ्यास मान्यवरांच्या हस्ते पुष्पहार अर्पण करून सदर फेरीचा समारोप करण्यात आला.कार्यक्रम यशस्वी करण्यासाठी सर्व कर्मचाऱ्यांनी सहकार्य केले.
