कोपरगाव प्रतिनिधी
माजी मंत्री कै. शंकरराव कोल्हे साहेब यांच्या सहाव्या मासिकश्राद्ध निमीत्त कोपरगाव तालुक्यातील चांदेकसारे ग्रामपंचायत कार्यालय समोर गुरुवार दि ८ सप्टेंबर रोजी सकाळी ९.३० वाजता शब्दप्रभू भागवताचार्य ह.भ.प अंकुश महाराज यांचे जाहीर कीर्तन होणार असल्याची माहिती माजी सरपंच केशवराव होन यांनी दिली आहे.
या प्रसंगी होन यांनी अधिक माहिती दिली की, कीर्तनानंतर सर्व उपस्थितीताना महाप्रसादाचे देखील आयोजन करण्यात आले असून तेव्हा चांदेकसारे व
पंचक्रोशीतील सर्व नागरिकांनी उपस्थित राहावे असे आवाहन माजी सरपंच केशवराव होन यांनी केले.
कै.शंकरराव कोल्हे यांनी चांदेकसारे गावच्या विकासासाठी सदैव प्रयत्न केला आहे त्यांच्या जाण्याने एक निष्ठावंत नेता हरपला आहे असे सांगितले तसेच या कार्यक्रमानंतर शंकरराव कोल्हे यांच्या विचारातून व माजी आमदार स्नेहलता कोल्हे यांनी आपल्या निधीतुन चांदेकसारे गावासाठी २५ लाखाचा सभामंडप दिला आहे त्याचे लोकअर्पण देखील होणार आहे अशी माहिती माजी सरपंच केशव होन यांनी दिली आहे.
