कोपरगाव प्रतिनिधी
कोपरगाव तालुक्यातील जेऊर कुंभारी संजयनगर येथे डॉ. बाबासाहेब आंबेडकर स्मारक मैदानात साहित्यरत्न लोकशाहीर अण्णाभाऊ साठे यांची जयंती आर पी आय शाखा भीमसाम्राज्य सेना मित्र मंडळाचे वतीने आर पी आय चे प्रदेश सचिव समाजभूषण दिपकराव गायकवाड यांचे अध्यक्षतेखाली तसेच स्मारक समितीचे उपाध्यक्ष बाबुरावजी काकडे यांचे प्रमुख उपस्थितीत साजरी करण्यात आली. यावेळी उपस्थित मान्यवरांचे हस्ते डॉ बाबासाहेब आंबेडकर यांच्या स्मारकाला तसेच आण्णा भाऊ साठे यांच्या प्रतिमेला पुष्पहार अर्पण करण्यात आला.
सदर कार्यक्रमाचे प्रास्ताविक करतांना ग्रामपंचायत सदस्य प्रदीप गायकवाड यांनी लोकशाहीर अण्णाभाऊ साठे यांचा जीवनक्रम सांगितला. यावेळी स्मारक समितीचे उपाध्यक्ष बाबुरावजी काकडे यांनी उपस्थितांना जयंतीच्या शुभेच्छा दिल्या. तर भीमसाम्राज्य सेना मित्रमंडळाचे अध्यक्ष सागर गायकवाड यांनी महापुरुषांचे विचार आणि कार्य सर्वसामान्यांच्या मनामध्ये रुजावेत यासाठी यापुढे संघटनेमार्फत सर्वच महापुरुषांच्या जयंती साजरी करणार असल्याचे म्हटले. शेवटी अध्यक्षीय भाषणात आर पी आय चे प्रदेश सचिव दिपकराव गायकवाड यांनी लोकशाहीर अण्णाभाऊ साठे यांच्या कार्याची माहिती देतांना केवळ दीड दिवस शाळेत गेलेल्या थोर साहित्यिक,साहित्यरत्न आण्णा भाऊ साठे यांनी पस्तीस कादंबऱ्या, पंधरा लगुकथा संग्रह, बारा पटकथा,आणि मराठी पोवाडा शैलीतील दहा गाणी लिहिल्याचे सांगितले.त्यांनी लिहीलेल्या आणी डॉ. बाबासाहेबांना अर्पण केलेल्या फकिरा कादंबरीला राज्य शासनाने उत्कृष्ट कादंबरी पुरस्काराने सन्मानित केले असुन पहिल्या दलीत साहित्य संमेलनामध्ये उद्घाटन भाषणामध्ये दलीत आणि कष्टकरी , कामगार वर्गाचे जागतिक संरचनेमध्ये असणारे महत्व स्पष्ट करण्यासाठी आण्णा भाऊ साठे यांनी पृथ्वी ही शेशनागाच्या माथ्यावर तरलेली नसून दलीत व कामगारांच्या तळहातावर तरलेली असल्याचे सांगितले. व शेवटी उपस्थितांना जयंतीच्या शुभेच्छा दिल्या.
सदर कार्यक्रमाचे सूत्रसंचालन भीमसाम्राज्य सेना मित्रमंडळाचे कार्याध्यक्ष सुमित पगारे यांनी तर आभार गोकुळ आहिरे यांनी व्यक्त केले.यावेळी संजय भालेराव सोपान चव्हाण, दिलीप काकडे, माजी उपसरपंच जालिंदर चव्हाण, शिवराम गायकवाड, पांडुरंग खरात, शिवाजी गवई,किरण गुरसल यांचेसह भिमसाम्राज्य सेना मित्रमंडळाचे पिलू गायकवाड, चांगदेव इस्ते, सचिन गायकवाड, अमोल काकडे, भारत गायकवाड, आकाश पगारे, प्रविण गायकवाड, अवी पगारे ,सूरज चव्हाण आदी मोठ्या संख्येने उपस्थित होते.
