कोपरगाव प्रतिनिधी
कोपरगांव तालुक्यातील सुरेगाव येथील श्री.संजय सुंदरराव कदम यांचे चिरंजीव चि.संकेत यांने नुकतेच “कोण होणार करोडपती” या सोनी मराठी TV मालिकेत सहभागी होऊन अभिनेते श्री सचिन खेडेकर यांच्या प्रश्नावली ला उत्तर देऊन यश संपादन केले, त्याबद्दल कदम परिवाराचे तालुका काँग्रेस कमिटीच्या वतीने नितीन राव शिंदे सरचिटणीस ,अहमदनगर जिल्हा काँग्रेस कमिटी यांनी सत्कार केला. त्यावेळेस त्यांच्यासमवेत काँग्रेसचे कार्यकर्ते व पदाधिकारी विजयराव जाधव, ज्ञानेश्वर भगत, माधव नाना जगताप, राहुल गवळी, चंद्रहार जगताप व इतर उपस्थित होते. चिरंजीव संकेत हा सध्या स्पर्धा परीक्षेची तयारी करत आहे, त्यासाठी सर्वांनी त्याला भविष्यात यश संपादन करण्यासाठी शुभेच्छा दिल्या.
सदरचा कार्यक्रम सोनी मराठी वाहिनीवर आज व उद्या म्हणजे दि १ऑगस्ट २०२२ व २ऑगस्ट २०२२रोजी रात्री ०९ ते १० यावेळेत दोन्ही दिवशी प्रसारीत होणार आहे,तरी सर्वांनी हे दोन्ही एपिसोड अवश्य बघावेत, असं आवाहन करण्यात आलं.
