कोपरगाव प्रतिनिधी
कोपरगाव येथील मुंबादेवी तरुण मंडळ व सुवर्णकार मित्र मंडळ देखील गेल्या १७ वर्षापासून श्री साई सच्चरित्र पारायण सोहळ्याचे आयोजन करत असते. सालाबाद प्रमाणे याही वर्षी मुंबादेवी तरुण मंडळ व सुवर्णकार मित्र मंडळाच्या वतीने तसेच कोपरगाव नगरपालिकेचे माजी उपनगराध्यक्ष योगेश बागुल यांच्या सौजन्याने आयोजित गुरुवार दि ४ ऑगस्ट २०२२ ते शुक्रवार दि ऑगस्ट २०२२ या कालावधीत कोपरगाव येथील सुवर्णकार भवन, सराफ बाजार या ठिकाणी ठीक सकाळी सहा ते संध्याकाळी सहा पर्यंत श्री साई सच्चरित्र पारायण वर्ष १७ व्या सोहळ्याचे आयोजन केले असून ज्या भाविकांना पारायणास बसायचे आहे त्यांनी दत्ता उदावंत ९५९५९४२४९३, कुणाल लोणारी ८७९३५३२६२८ व संजय मंडलिक ९८९०११८२७१ या मोबाईल नंबर वर संपर्क साधावा. असे आवाहन श्री साई सच्चरित्र पारायण सोहळा आयोजन कमिटीच्या वतीने करण्यात आले आहे.
तसेच शुक्रवार दि १२ ऑगस्ट २०२२ रोजी म्हणजे समाप्ती दिनी कोपरगाव शहरातील श्री संत नरहरी विठ्ठल मंदिर सराफ बाजार येथे महाप्रसादाचा कार्यक्रम आयोजित केला आहे,तरी जास्तीत जास्त भाविकांनी श्री साई सच्चरित्र पारायण सोहळ्यात सहभागी होऊन महाप्रसादाचा लाभ घ्यावा असे आवाहन मुंबादेवी तरुण मंडळ व सुवर्णकार मित्र मंडळाच्या वतीने करण्यात आले आहे.
