कोपरगाव प्रतिनिधी
हॅरिसन ब्रँच शाळेतील माजी विद्यार्थी गौरव विजयराव रोहोम यांनी सामाजिक बांधिलकी जपत वाढदिवस साजरा केला.
स्वतःच्या वाढदिवसानिमित्त शाळेतील इ.१ली व २ री तील २० विद्यार्थ्यांसाठी स्कूल बॅगचे वाटप केले.मनोगत व्यक्त करताना विजयराव रोहोम व उपस्थित नातेवाईकांनी शाळेतील आठवणींना उजाळा दिला.सदर प्रसंगी विजयराव रोहोम,त्यांच्या कोल्हार व राहुरी येथील दोन बहिणी व नातेवाईक उपस्थित होते.
तसेच सकाळच्या सत्रात गावातील ग्रामपंचायत सदस्य यशवंत आव्हाड यांनी शाळेतील विद्यार्थ्यांसाठी लेखन साहित्य भेट दिले.यावेळी उपसरपंच ताराचंद लकारे व सतिष पवार उपस्थित होते.शाळेचे मुख्याध्यापक नवनाथ सूर्यवंशी यांनी शाळेत राबविण्यात येणाऱ्या उपक्रमाविषयी माहिती सांगितली.व शिक्षिका मनिषा शिंपी यांनी आपल्या मनोगतात अशा पद्धतीचे वाढदिवस समाजातील प्रत्येक व्यक्तीने साजरा करावा. त्यामुळे आपला आनंद द्विगुणित होतो व समाजकार्य केल्याचे मानसिक समाधान लाभते.शाळेच्या वतीने वाढदिवसाच्या शुभेच्छा देऊन संबंधितांचे आभार मानले.
