कोपरगाव प्रतिनिधी
आषाढी एकादशी निमित्त आज शाळेतील चिमुकल्यांची टाळमृदुंगाच्या जयघोषात कोपरगाव शहरातून दिंडी काढण्यात आली.गेल्या 24 वर्षापासून आबासाहेब पटवर्धन शिशु विकास मंदिर पालखीचे आयोजन करण्यात येते.परंतु गेल्या दोन वर्षात कोरोनाच्या महामारिमुळे दिंडी सोहळा बंद होता.पालखीचे पूजन संस्थेचे अध्यक्ष श्री.हेमंत पटवर्धन,आदित्य पटवर्धन यांनी केले.तसेच कार्यक्रम प्रसंगी संस्थेचे सदस्य श्री.दिनेशजी दारूनकर,सौ.दिपाली पटवर्धन,सौ.ज्योती पटवर्धन व एस. एस.जी. एम कॉलेज चे श्री. अमोल चंदनशिवे सर उपस्थित होते.चिमुकल्यांनी विठ्ठल रखुमाई ,संत एकनाथ,संत नामदेव,संत तुकाराम,संत मीराबाई याची वेशभूषा परिधान करून पालखी कोपरगाव शहरातून काढण्यात आली.गेल्या 5 जुलै ते 20 जुलै दरम्यान शाळाबाह्य विद्यार्थी शोध मोहीम ( मिशन झीरो ड्रॉपआऊट ) हा उपक्रम चालू आहेत. एकही मूल घरी न रहाता प्रत्येक मूल शाळेत दाखल झाले पाहिजेत अशा घोषणा वियार्थ्यांनी दिल्या.त्याच बरोबर वृक्षसंवर्धनचा संदेशही या दिंडीच्या माध्यमातून देण्यात आला.दिंडीची सांगता इदगाह मैदानावर लाठीकाठी, दांडपट्टा व चक्र यांचे प्रात्यक्षिके सादर करून करण्यात आली.कार्यक्रमानंतर सर्व विद्यार्थ्यांना खिचडीचे व राजगिरा लाडूचे वाटप करण्यात आले.कार्यक्रमासाठी शालेय व्यवस्थापन समितीचे अध्यक्ष श्री.सचिन शिरोडे सर्व सदस्य त्याच बरोबर मोठ्या संख्येने पालक वर्ग व अहमदनगर डिस्ट्रिक्ट सेकंडरी टीचर्स बँक शाखा कोपरगाव चे शाखाधिकारी श्री.नितीन होन उपस्थित होते. कार्यक्रम यशस्वीरीत्या पार पाडण्यासाठी आबासाहेब पटवर्धन शिशु विकास मंदिर व विद्या प्रबोधिनी प्राथमिक शाळेचे मुख्याध्यापक सौ.को-हाळकर मॅडम व श्री.गवळी सर त्याच बरोबर शिक्षक,श्री.नितीन शेटे,श्री.अमोल देवकर,श्री.श्रीकांत गवळी,कुलकर्णी मॅडम,हिरे मॅडम,खरे मॅडम,भालेराव मॅडम,भास्कर मॅडम,गायकवाड मॅडम,होन मॅडम,भास्कर मॅडम,जाधव मॅडम, शिंदे मॅडम, ढेपले मॅडम, धर्मापुरीकर मॅडम,चौधरी मॅडम,शेंदुर्णीकर मॅडम, आढाव मॅडम,बाविस्कर मॅडम,लांडगे मॅडम, गीते मॅडम, सातपुते मॅडम तसेच शाळेतील मावशा यांनी खूप परिश्रम घेतले.
